Home Uncategorized കൊറോണ വൈറസ്:ആപ്പിൾ ഐഫോൺ 9(എസ്ഇ 2) ലോഞ്ച് റദ്ദാക്കി

കൊറോണ വൈറസ്:ആപ്പിൾ ഐഫോൺ 9(എസ്ഇ 2) ലോഞ്ച് റദ്ദാക്കി

ആപ്പിൾ ഐഫോൺ എസ്ഇ 2 അഥവാ ഐഫോൺ 9 ഈ മാസം അവസാനം പുറത്തിറക്കുമെന്നാണ് പ്രതീക്ഷിച്ചിരുന്നത്. ഈ സ്മാർട്ട്‌ഫോൺ കുറച്ചു കാലമായി വാർത്തകളിൽ നിറഞ്ഞു നിൽക്കുന്നുണ്ട്. പുതിയ തലമുറ ഐപാഡ് പ്രോയ്‌ക്കൊപ്പം സ്മാർട്ട്‌ഫോൺ വിപണിയിലെത്തുമെന്ന് പ്രതീക്ഷിച്ചിരുന്നെങ്കിലും കൊറോണ വൈറസ് പൊട്ടിപ്പുറപ്പെടുന്നതിനാൽ ഫോണിനായുള്ള കാത്തിരിപ്പ് നീണ്ടുപോകുമെന്നാണ് റിപ്പോർട്ടുകൾ. ആപ്പിൾ നടത്താനിരുന്ന മാർച്ചിലെ ഇവന്റ് കമ്പനി റദ്ദാക്കി.
കൊറോണ വൈറസ് പോസിറ്റീവ് കേസുകളുടെ എണ്ണം വർദ്ധിക്കുന്ന സാഹചര്യത്തിലാണ് ലോഞ്ച് ഇവന്റ് മാറ്റിവയ്ക്കാൻ കമ്പനി തീരുമാനിച്ചതെന്ന് റിപ്പോർട്ടിൽ പറയുന്നു. ഐഫോൺ 9 ന്റെ റിലീസ് തീയതിയെക്കുറിച്ച് കമ്പനി ഇതുവരെ പരാമർശങ്ങളൊന്നും നടത്തിയിട്ടില്ല, 2020 മാർച്ച് 31 നാണ് ലോഞ്ച് ഇവന്റ് നിശ്ചയിച്ചിരുന്നത്.
സാന്താ ക്ലാരയിൽ സ്ഥിതിചെയ്യുന്ന ആപ്പിൾ പാർക്കിൽ ആളുകൾ കൂടിനിൽക്കുന്നത് നിരോധിച്ചതിനെത്തുടർന്ന് ഇവന്റ് റദ്ദാക്കാൻ കമ്പനി തീരുമാനിച്ചു. മേഖലയിൽ വൈറസ് പടരുന്നത് കൂടുതലായതിനാൽ ആവശ്യമായ നടപടികൾ കൈക്കൊള്ളാനും വീട്ടിൽ നിന്ന് ജോലി ചെയ്യാനും കമ്പനി ജീവനക്കാരോട് ശുപാർശ ചെയ്തിട്ടുണ്ട്.
കമ്പനി മറ്റെവിടെയെങ്കിലും ലോഞ്ച് ഇവന്റ് നടത്തുകയോ ഓൺലൈൻ പ്രസ്സ് ഇവന്റ് വഴി ഡിവൈസുകൾ പുറത്തിറക്കുകയോ ചെയ്യാനുള്ള സാധ്യതയും റിപ്പോർട്ടുകൾ തള്ളിക്കളയുന്നില്ല. പുതിയ ഡിവൈസുകൾ വരാനിരിക്കുന്ന ആഴ്‌ചകളിൽ വിപണിയിലെത്തുമെന്ന് പ്രതീക്ഷിക്കുന്നുണ്ടെങ്കിലും കമ്പനി എന്താണ് ചെയ്യാൻ പോകുന്നതെന്ന് ഇതുവരെ വ്യക്തമായിട്ടില്ല.
കൊറോണ വൈറസ് പൊട്ടിപ്പുറപ്പെട്ടത് ഇതിനകം തന്നെ ധാരാളം സ്മാർട്ട്‌ഫോൺ നിർമ്മാതാക്കളെ ബാധിക്കുകയും വിതരണ ശൃംഖലയെ തടസ്സപ്പെടുത്തുകയും ചെയ്തു. ആപ്പിളിന്റെ പ്രധാന വിതരണക്കാരായ ഫോക്സ്കോണും തൊഴിലാളികളുടെ കാര്യത്തിൽ പ്രതിസന്ധി നേരിടുന്നുണ്ട്. ഫോക്സകോണിന്റെ പ്രധാന ഫാക്ടറികൾ ചൈനയിലാണ് സ്ഥിതിചെയ്യുന്നത്.
ചില റിപ്പോർട്ടുകളിൽ ഐഫോൺ 9 ജൂണിൽ ലോഞ്ച് ചെയ്യുമെന്നോ അതിലും വൈകി ലോഞ്ച് ചെയ്യുമെന്നുമുള്ള സൂചനകളുണ്ട്. അതേസമയം, ഐഫോൺ 12 സീരീസിന്റെ ലോഞ്ചും വൈകുമെന്നാണ് റിപ്പോർട്ടുകൾ. ആപ്പിളിന്റെ ഈ ഫ്ലാഗ്ഷിപ്പ് സ്മാർട്ട്‌ഫോണിന്റെ ലോഞ്ച് ഇവന്റും വൈകിയേക്കാം. സാധാരണയായി ആപ്പിൾ അതിന്റെ ഏറ്റവും പുതിയ ഐഫോൺ സീരീസ് സെപ്റ്റംബറിൽ പുറത്തിറക്കാറുണ്ട്. ചിലപ്പോൾ ഇത് ഒക്ടോബർ അല്ലെങ്കിൽ നവംബർ വരെ ഇത് വൈകിയേക്കും.

LEAVE A REPLY

Please enter your comment!
Please enter your name here

Must Read

ഇന്ത്യയിലെ മൊബൈൽ നമ്പരുകൾ 11 അക്കമാക്കാൻ ട്രായ് ശുപാർശ

രാജ്യത്തെ മൊബൈൽ നമ്പരുകൾ പതിനൊന്ന് അക്കങ്ങളായി വർദ്ധിപ്പിക്കണം എന്ന ശുപാർശയുമായി ടെലിക്കോം റെഗുലേറ്ററായ ട്രായ് രംഗത്ത്. നിലവിൽ ഇന്ത്യയിലെ മൊബൽ നമ്പരുകളിൽ പത്ത് അക്കങ്ങളുള്ള നമ്പരുകളാണ് ഉള്ളത്. രാജ്യത്ത് മൊബൈൽ...

വ്യവസായ ലോകത്തിന് ആശ്വാസമായി ‘എഫിസ’ത്തിന്റെ വര്‍ക്ക് ഫ്രം ഹോം മോണിറ്ററിങ്

കോവിഡ്- 19 പൊട്ടിപ്പുറപ്പെട്ടതിനെത്തുടർന്ന് ലോകത്തിന്റെ പലവിധ പ്രതിസന്ധികളാണ് ജനങ്ങൾ നേരിടുന്നത്. ഇതിൽ ഏറ്റവും കൂടുതൽ പ്രതിസന്ധിയിലായിരിക്കുന്നവരിൽ വലിയൊരു വിഭാഗം തൊഴിലുടമകളും ശമ്പളം വാങ്ങി ജീവിക്കുന്ന ഇടത്തരക്കാരുമാണ്.മുൻകരുതൽ നടപടിയായി പല ജോലിസ്ഥലങ്ങളും...

ഏറ്റവും പുതിയ കൊറോണ അപ്‌ഡേറ്റ് ലഭിക്കാന്‍ ലോകാരോഗ്യ സംഘടനയുടെ വാട്‌സാപ്പ് നമ്പര്‍

കോറോണ വൈറസ് പകർച്ചവ്യാധിയെ കുറിച്ചുള്ള ആധികാരികമായ അറിയിപ്പുകൾ ജനങ്ങളിലെത്തിക്കുന്നതിനായി വാട്സാപ്പിലൂടെ ലോകാരോഗ്യ സംഘടനയുടെ ആരോഗ്യ മുന്നറിയിപ്പ്. വ്യാജവാർത്തകൾ വ്യാപകമായി വാട്സാപ്പിലൂടെ പ്രചരിക്കുന്ന സാഹചര്യത്തിലാണ് ലോകാരോഗ്യ സംഘടനയിൽനിന്ന് നേരിട്ടുള്ള അറിയിപ്പുകൾ വാട്സാപ്പ്...

വിമർശനങ്ങൾ :പ്രത്യേക നിർദേശക സമിതിയെ നിയമിച്ച് ടിക് ടോക്ക്.

ഉള്ളടക്ക നിയന്ത്രണ നയങ്ങളുടെ പേരിൽ അടുത്തകാലത്തായി ടിക് ടോക്ക് വ്യാപകമായ വിമർശനങ്ങൾ നേരിടുന്നുണ്ട്. ചൈനാ വിരുദ്ധ ഉള്ളടക്കമുള്ള വീഡിയോകൾക്ക് ടിക് ടോക്ക് നിയന്ത്രണമേർപ്പെടുത്തുന്നു എന്ന് അമേരിക്ക വിമർശനമുയർത്തിയിരുന്നു. ആളുകളുടെ ഭംഗിയുടേയും...

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്.

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്. സ്മാർട്ഫോണുകൾ സൃഷ്ടിക്കപ്പെട്ടതിന് ശേഷം നേരിടുന്ന ഏറ്റവും വലിയ വിൽപ്പനയിടിവാണിത്. ഫെബ്രുവരിയിൽ 38% ഇടിവാണ് പുതിയ ഫോണുകളുടെ വിൽപനയിൽ ഉണ്ടായതെന്ന് ഗവേഷണ...