Home GADGET ജിയോ ഗിഗാ ഫൈബർ: സാധാരണക്കാരന് ആദായകരമായ ഓഫറുകളുമായി എത്തുന്നു.

ജിയോ ഗിഗാ ഫൈബർ: സാധാരണക്കാരന് ആദായകരമായ ഓഫറുകളുമായി എത്തുന്നു.

റിലയൻസ് ജിയോ അവതരിപ്പിക്കാനിരിക്കുന്ന ബ്രോഡ്ബാൻഡ് സേവനമായ ജിയോ ഗിഗാ ഫൈബർ സാധാരണക്കാരന് ആദായകരമായ നിരവധി ഓഫറുകളുമായാണ് എത്തുന്നതെന്ന് റിപ്പോർട്ട്. 600 രൂപയിൽ തുടങ്ങുന്ന ബ്രോഡ്ബാൻഡ് ഇന്റർനെറ്റ് സേവനങ്ങളാണ് ജിയോ ഒരുക്കിയിരിക്കുന്നതെന്നാണ് വിവരം.പ്രിവ്യൂ ഓഫറിന്റെ ഭാഗമായി നിങ്ങൾക്ക് സൗജന്യമായി ഗിഗാഫൈബർ കണക്ഷൻ ലഭിക്കും. അതിന് 4,500 രൂപ സെക്യൂരിറ്റി ഡിപ്പോസിറ്റ് ആയി നൽകണം. എന്നാൽ 2500 രൂപ സെക്യൂരിറ്റിയിൽ ജിയോ ഗിഗാ ഫൈബർ കണക്ഷൻ നൽകുമെന്നാണ് പുതിയ റിപ്പോർട്ടുകൾ. റൂട്ടറും മറ്റ് അത്യാവശ്യ സാധനങ്ങളും ഈ തുകയിൽ ലഭിക്കും. എന്നാൽ ചില വ്യത്യാസങ്ങൾ ഈ രണ്ട് പ്ലാനുകളും തമ്മിലുണ്ട്.2,500 രൂപയുടെ പ്ലാനിൽ ഒരു സിംഗിൾ ബാൻഡ് റൂട്ടറാണ് ലഭിക്കുക. എന്നാൽ 4,500 രൂപയുടെ പ്ലാനിൽ 2.5 ഗിഗാഹെർട്സ് മുതൽ 5 ഗിഗാഹെർട്സ് വരെ ബാൻഡ് വിഡ്ത്ത് ലഭിക്കുന്ന ഡ്യുവൽ ബാൻഡ് ആണ് നൽകുന്നത്.2,500 രൂപയുടെ പ്ലാനിൽ 50എംബിപിഎസ് വേഗതയിലാണ് ഇന്റർനെറ്റ് ലഭിക്കുക. ഇത് ഗിഗാ ഫൈബർ യഥാർത്ഥത്തിൽ വാഗ്ദാനം ചെയ്യുന്ന ഇന്റർനെറ്റ് വേഗതയുടെ പകുതിയാണ്. എന്നാൽ 4500 രൂപയുടെ പ്ലാനിൽ 100 എംബിപിഎസ് വേഗതയിൽ കണക്ഷൻ ലഭിക്കും.2500 രൂപയുടെ രൂപയുടെ പ്ലാനിൽ ജിയോ ടിവി ആപ്പും ലഭിക്കും. വേഗത കുറവാണെങ്കിലും 2500 രൂപയ്ക്ക് മാസം 1100 ജിബി ഡാറ്റ ഉപയോഗിക്കാൻ സാധിക്കും.അതേസമയം ഈ പ്ലാനുകൾ സംബന്ധിച്ച് ജിയോ ഔദ്യോഗികമായ പ്രഖ്യാപനങ്ങൾ നടത്തിയിട്ടില്ല. ഗിഗാഫൈബർ പരീക്ഷണാടിസ്ഥാനത്തിൽ ജിയോ ഇപ്പോൾ നൽകിവരുന്നുണ്ട്. പ്രാദേശിക ഗ്രാമീണ ഉപയോക്താക്കളെ ലക്ഷ്യമിട്ട് കുറഞ്ഞ വിലയിൽ സേവനമെത്തിക്കാൻ ജിയോ അണിയറ പ്രവർത്തനങ്ങൾ നടത്തുന്നുണ്ടെന്നാണ് റിപ്പോർട്ടുകൾ നൽകുന്ന സൂചന.

LEAVE A REPLY

Please enter your comment!
Please enter your name here

Must Read

ഇന്ത്യയിലെ മൊബൈൽ നമ്പരുകൾ 11 അക്കമാക്കാൻ ട്രായ് ശുപാർശ

രാജ്യത്തെ മൊബൈൽ നമ്പരുകൾ പതിനൊന്ന് അക്കങ്ങളായി വർദ്ധിപ്പിക്കണം എന്ന ശുപാർശയുമായി ടെലിക്കോം റെഗുലേറ്ററായ ട്രായ് രംഗത്ത്. നിലവിൽ ഇന്ത്യയിലെ മൊബൽ നമ്പരുകളിൽ പത്ത് അക്കങ്ങളുള്ള നമ്പരുകളാണ് ഉള്ളത്. രാജ്യത്ത് മൊബൈൽ...

വ്യവസായ ലോകത്തിന് ആശ്വാസമായി ‘എഫിസ’ത്തിന്റെ വര്‍ക്ക് ഫ്രം ഹോം മോണിറ്ററിങ്

കോവിഡ്- 19 പൊട്ടിപ്പുറപ്പെട്ടതിനെത്തുടർന്ന് ലോകത്തിന്റെ പലവിധ പ്രതിസന്ധികളാണ് ജനങ്ങൾ നേരിടുന്നത്. ഇതിൽ ഏറ്റവും കൂടുതൽ പ്രതിസന്ധിയിലായിരിക്കുന്നവരിൽ വലിയൊരു വിഭാഗം തൊഴിലുടമകളും ശമ്പളം വാങ്ങി ജീവിക്കുന്ന ഇടത്തരക്കാരുമാണ്.മുൻകരുതൽ നടപടിയായി പല ജോലിസ്ഥലങ്ങളും...

ഏറ്റവും പുതിയ കൊറോണ അപ്‌ഡേറ്റ് ലഭിക്കാന്‍ ലോകാരോഗ്യ സംഘടനയുടെ വാട്‌സാപ്പ് നമ്പര്‍

കോറോണ വൈറസ് പകർച്ചവ്യാധിയെ കുറിച്ചുള്ള ആധികാരികമായ അറിയിപ്പുകൾ ജനങ്ങളിലെത്തിക്കുന്നതിനായി വാട്സാപ്പിലൂടെ ലോകാരോഗ്യ സംഘടനയുടെ ആരോഗ്യ മുന്നറിയിപ്പ്. വ്യാജവാർത്തകൾ വ്യാപകമായി വാട്സാപ്പിലൂടെ പ്രചരിക്കുന്ന സാഹചര്യത്തിലാണ് ലോകാരോഗ്യ സംഘടനയിൽനിന്ന് നേരിട്ടുള്ള അറിയിപ്പുകൾ വാട്സാപ്പ്...

വിമർശനങ്ങൾ :പ്രത്യേക നിർദേശക സമിതിയെ നിയമിച്ച് ടിക് ടോക്ക്.

ഉള്ളടക്ക നിയന്ത്രണ നയങ്ങളുടെ പേരിൽ അടുത്തകാലത്തായി ടിക് ടോക്ക് വ്യാപകമായ വിമർശനങ്ങൾ നേരിടുന്നുണ്ട്. ചൈനാ വിരുദ്ധ ഉള്ളടക്കമുള്ള വീഡിയോകൾക്ക് ടിക് ടോക്ക് നിയന്ത്രണമേർപ്പെടുത്തുന്നു എന്ന് അമേരിക്ക വിമർശനമുയർത്തിയിരുന്നു. ആളുകളുടെ ഭംഗിയുടേയും...

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്.

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്. സ്മാർട്ഫോണുകൾ സൃഷ്ടിക്കപ്പെട്ടതിന് ശേഷം നേരിടുന്ന ഏറ്റവും വലിയ വിൽപ്പനയിടിവാണിത്. ഫെബ്രുവരിയിൽ 38% ഇടിവാണ് പുതിയ ഫോണുകളുടെ വിൽപനയിൽ ഉണ്ടായതെന്ന് ഗവേഷണ...