Home GADGET റെഡ്മി ബ്രാൻഡിൽ ആദ്യ ലാപ്ടോപ് ഷവോമി ചൈനയിലിറക്കി.

റെഡ്മി ബ്രാൻഡിൽ ആദ്യ ലാപ്ടോപ് ഷവോമി ചൈനയിലിറക്കി.

എം.ഐ എന്ന പേരിൽ മുന്തിയ ഫോണുകളിറക്കിയ ഷവോമി, വിലകുറഞ്ഞ ഫോണുകൾക്കായി 2013ൽ തുടങ്ങിയ ഉപബ്രാൻഡാണ് റെഡ്മി. ഇൗവർഷം ജനുവരിയിൽ റെഡ്മി ഷവോമിയുടെ കീഴിലെ സ്വതന്ത്ര കമ്പനിയുമായി. ഇതുവരെ റെഡ്മിയുടെ പേരിൽ ഇറങ്ങിയ ഫോണുകൾ വിൽപനയിൽ മുമ്പിലാണ്. ചൈനീസ് കമ്പനി വാ​വെയ്​ ഒാണർ എന്ന പേരിൽ 2013 മുതൽ ഇടത്തരം ഫോണുകളിറക്കുന്നുണ്ട്. മാജിക്ബുക് എന്ന പേരിൽ 14 ഇഞ്ച് ലാപ്ടോപ്പും ഒാണർ ബ്രാൻഡിൽ വാ​വെയ്​ നേരത്തെ പുറത്തിറക്കിയിട്ടുണ്ട്. ഒാപ്പോയാക​ട്ടെ റിയൽമി എന്ന ഉപ ബ്രാൻഡിൽ 2018 മുതൽ ഫോണുകളിറക്കി വിജയം കൊയ്യുന്നുണ്ട്.ഫോണിലെ വിജയം ലാപ്ടോപ്പിലും കടാക്ഷിക്കുമോ എന്ന് നോക്കാനാണ് ഷവോമിയുടെ അടുത്ത നീക്കം. നേരത്തെ തന്നെ എം.ഐ ബ്രാൻഡിൽ ഷവോമി ലാപ്ടോപ്പുകൾ ഇറക്കുന്നുണ്ട്. ആപ്പിൾ മാക്ബുക്കുകൾക്ക് വെല്ലുവിളി ഉയർത്താൻ അവയുടെ പകുതി വിലക്കാണ് ഇത് വിൽക്കുന്നത്. ഇടത്തരം വിപണിയിലും പിടിമുറുക്കാൻ ലക്ഷ്യമിട്ടാണ് റെഡ്മി ബ്രാൻഡിൽ ആദ്യ ലാപ്ടോപ് ഷവോമി ചൈനയിൽ രംഗത്തിറക്കിയത്. റെഡ്മിബുക് 14 എന്നാണ് വിളിേപ്പര്.ജൂൺ 11 മുതൽ ചൈനയിൽ വിൽപന തുടങ്ങും. ഇൻറൽ കോർ ഐ 5 പ്രോസസറും 256 ജി.ബി സോളിഡ് സ്​റ്റേറ്റ് ഡ്രൈവുമുള്ള അടിസ്ഥാന പതിപ്പിന് ചൈനയിൽ ഏകദേശം 40,300 രൂപയാണ് വില. ഇതി​ന്റെ 512 ജി.ബി സോളിഡ് സ്​റ്റേറ്റ് ഡ്രൈവുള്ളതിന് 43,300 രൂപ നൽകണം. എട്ടാംതലമുറ ഇൻറൽ കോർ ഐ 7 പ്രോസസറും 512 ജി.ബി സോളിഡ് സ്​റ്റേറ്റ് ഡ്രൈവുമുള്ള കൂടിയ പതിപ്പിന് ചൈനയിൽ 50,400 രൂപയാണ് വില.വിൻഡോസ് 10 ഒ.എസ്, അരിക് നേർത്ത 14 ഇഞ്ച് എച്ച്.ഡി ഡിസ്പ്ലേ, എട്ട് ജി.ബി റാം, 512 ജി.ബി വരെ സോളിഡ് സ്​റ്റേറ്റ് ഡ്രൈവ്, എട്ടാംതലമുറ ഇൻറൽ കോർ െഎ 7 പ്രോസസർ, എൻവിഡിയ ജി.ഇ ഫോഴ്സ് എം.എക്സ് 250 ഗ്രാഫിക്സ്, ഡി.ടി.എസ് ഒാഡിയോ പിന്തുണ, പുതിയ ശീതീകരണ സംവിധാനം, ഇൻറലിജൻറ് അൺലോക്ക് സംവിധാനം, 10 മണിക്കൂർ ബാറ്ററി ചാർജ്, പൂർണ വലിപ്പമുള്ള കീബോർഡ്, മൾട്ടി ടച്ച് പിന്തുണയുള്ള ടച്ച് പാഡ്, ഇൻസ്​റ്റാൾ ചെയ്ത മൈക്രോസോഫ്റ്റ് ഒാഫിസ് ഹോം- സ്​റ്റുഡൻറ് എഡിഷൻ, 1.5 കിലോ ഭാരം, ഒരു എച്ച്.ഡി.എം.െഎ പോർട്ട്, രണ്ട് യു.എസ്.ബി 3.0 പോർട്ട്, 3.5 എം.എം ഹെഡ്ഫോൺജാക്, ഒരു യു.എസ്.ബി 2.0 പോർട്ട് എന്നിവയാണ് പ്രത്യേകതകൾ. ആപ്പിളി​ന്റെ മാക്ബുക് പോലുള്ള മൂന്ന് നോട്ട്ബുക്കുകൾ കുറച്ചുകാലം മുമ്പ് ഷവോമി ഇറക്കിയിരുന്നു. എം.ഐ നോട്ട്ബുക് എയർ 12.5 ഇഞ്ച് (2019), എം.ഐ നോട്ട്ബുക് എയർ 13.3 ഇഞ്ച് (2019), എം.ഐ നോട്ട്ബുക് 15.6 ഇഞ്ച് (2019) എന്നിവയാണ് മൂവർസംഘം.എം.ഐ നോട്ട്ബുക് എയർ 12.5 ഇഞ്ചി​ന്റെ പരിഷ്​കൃത പതിപ്പാണിവ. എട്ടാംതലമുറ ഇൻറൽ കോർ ഐ 5 അല്ലെങ്കിൽ കോർ എം 3 പ്രോസസറാണ് കരുത്തേകുക. വിൻഡോസ് 10 ഹോം ഒാപറേറ്റിങ് സിസ്​റ്റം, നാല് ജി.ബി റാം, 256 ജി.ബി സോളിഡ് സ്​റ്റേറ്റ് ഡ്രൈവ്, 1080 x 1920 പിക്സൽ ഫുൾ എച്ച്.ഡി ഡിസ്പ്ലേ, പൂർണ ലോഹ ശരീരം, 1.07കിലോ ഭാരം, അതിവേഗ ചാർജിങ്, ഹർമാൻ സ്പീക്കറുകൾ, ഡി.ടി.എസ് സറൗണ്ട് സൗണ്ട് പിന്തുണ, ഒരു യു.എസ്ബി ടൈപ്പ് സി പോർട്ട്, ഒരു എച്ച്.ഡി.എം.ഐ പോർട്ട്, ഒരു യു.എസ്​.ബി 3.0 പോർട്ട്, 3.5 എം.എം ഒാഡിയോ ജാക്, പൂർണ ബാക്ലിറ്റ് കീബോർഡ് എന്നിവയാണ് പ്രത്യേകത. ഗോൾഡ്​, സിൽവർ നിറങ്ങളിൽ ലഭിക്കും. ഇൻറൽ കോർ എം3 പ്രോസസർ-128 ജി.ബി എസ്​.എസ്​.ഡി പതിപ്പിന് ചൈനയിൽ ഏകദേശം 38,400 രൂപയും ഇൻറൽ കോർ എം3 പ്രോസസർ-256 ജി.ബി എസ്​.എസ്​.ഡി പതിപ്പിന് 42,700 രൂപയും ഇൻറൽ കോർ ഐ 5 പ്രോസസർ-256 ജി.ബി എസ്​.എസ്​.ഡി പതിപ്പിന് 45,900 രൂപയുമാണ് വില.എം.ഐ നോട്ട്ബുക് എയർ 13.3 ഇഞ്ച്, എം.ഐ നോട്ട്ബുക് 15.6 ഇഞ്ച് എന്നിവയിൽ എട്ടാംതലമുറ ഇൻറൽ കോർ ഐ 5 നാലുകോർ ​ പ്രോസസറാണ്. എട്ട് ജി.ബി റാമുമുണ്ട്. നോട്ട്ബുക് എയർ 13.3 ഇഞ്ചിന് ഏകദേശം 55,600 രൂപ നൽകണം. ലോഹ ഫാനും ചൂട് പുറംതള്ളാൻ വലിയ കുഴലുമുണ്ട്. എൻവിഡിയ ജി.ഇ ഫോഴ്സ് എംഎക്സ് 250 ഗ്രാഫിക്സ് കാർഡ്, 256 ജി.ബി സോളിഡ് സ്​​റ്റേറ്റ് ഡ്രൈവ്, ഒരു യു.എസ്.ബി ടൈപ്പ് സി പോർട്ട്, 3.5 എം.എം ഒാഡിയോ ജാക്, 1.3 കിലോ ഭാരം, ഡോൾബി സറൗണ്ട് സൗണ്ട് എന്നിവയാണ് മറ്റ് സവിശേഷതകൾ.

LEAVE A REPLY

Please enter your comment!
Please enter your name here

Must Read

ഇന്ത്യയിലെ മൊബൈൽ നമ്പരുകൾ 11 അക്കമാക്കാൻ ട്രായ് ശുപാർശ

രാജ്യത്തെ മൊബൈൽ നമ്പരുകൾ പതിനൊന്ന് അക്കങ്ങളായി വർദ്ധിപ്പിക്കണം എന്ന ശുപാർശയുമായി ടെലിക്കോം റെഗുലേറ്ററായ ട്രായ് രംഗത്ത്. നിലവിൽ ഇന്ത്യയിലെ മൊബൽ നമ്പരുകളിൽ പത്ത് അക്കങ്ങളുള്ള നമ്പരുകളാണ് ഉള്ളത്. രാജ്യത്ത് മൊബൈൽ...

വ്യവസായ ലോകത്തിന് ആശ്വാസമായി ‘എഫിസ’ത്തിന്റെ വര്‍ക്ക് ഫ്രം ഹോം മോണിറ്ററിങ്

കോവിഡ്- 19 പൊട്ടിപ്പുറപ്പെട്ടതിനെത്തുടർന്ന് ലോകത്തിന്റെ പലവിധ പ്രതിസന്ധികളാണ് ജനങ്ങൾ നേരിടുന്നത്. ഇതിൽ ഏറ്റവും കൂടുതൽ പ്രതിസന്ധിയിലായിരിക്കുന്നവരിൽ വലിയൊരു വിഭാഗം തൊഴിലുടമകളും ശമ്പളം വാങ്ങി ജീവിക്കുന്ന ഇടത്തരക്കാരുമാണ്.മുൻകരുതൽ നടപടിയായി പല ജോലിസ്ഥലങ്ങളും...

ഏറ്റവും പുതിയ കൊറോണ അപ്‌ഡേറ്റ് ലഭിക്കാന്‍ ലോകാരോഗ്യ സംഘടനയുടെ വാട്‌സാപ്പ് നമ്പര്‍

കോറോണ വൈറസ് പകർച്ചവ്യാധിയെ കുറിച്ചുള്ള ആധികാരികമായ അറിയിപ്പുകൾ ജനങ്ങളിലെത്തിക്കുന്നതിനായി വാട്സാപ്പിലൂടെ ലോകാരോഗ്യ സംഘടനയുടെ ആരോഗ്യ മുന്നറിയിപ്പ്. വ്യാജവാർത്തകൾ വ്യാപകമായി വാട്സാപ്പിലൂടെ പ്രചരിക്കുന്ന സാഹചര്യത്തിലാണ് ലോകാരോഗ്യ സംഘടനയിൽനിന്ന് നേരിട്ടുള്ള അറിയിപ്പുകൾ വാട്സാപ്പ്...

വിമർശനങ്ങൾ :പ്രത്യേക നിർദേശക സമിതിയെ നിയമിച്ച് ടിക് ടോക്ക്.

ഉള്ളടക്ക നിയന്ത്രണ നയങ്ങളുടെ പേരിൽ അടുത്തകാലത്തായി ടിക് ടോക്ക് വ്യാപകമായ വിമർശനങ്ങൾ നേരിടുന്നുണ്ട്. ചൈനാ വിരുദ്ധ ഉള്ളടക്കമുള്ള വീഡിയോകൾക്ക് ടിക് ടോക്ക് നിയന്ത്രണമേർപ്പെടുത്തുന്നു എന്ന് അമേരിക്ക വിമർശനമുയർത്തിയിരുന്നു. ആളുകളുടെ ഭംഗിയുടേയും...

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്.

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്. സ്മാർട്ഫോണുകൾ സൃഷ്ടിക്കപ്പെട്ടതിന് ശേഷം നേരിടുന്ന ഏറ്റവും വലിയ വിൽപ്പനയിടിവാണിത്. ഫെബ്രുവരിയിൽ 38% ഇടിവാണ് പുതിയ ഫോണുകളുടെ വിൽപനയിൽ ഉണ്ടായതെന്ന് ഗവേഷണ...