Home LATEST ഐഓഎസ് 13 പുറത്തിറക്കി:ഡാര്‍ക്ക് മോഡും, പുതിയ ഫീച്ചറുകളും

ഐഓഎസ് 13 പുറത്തിറക്കി:ഡാര്‍ക്ക് മോഡും, പുതിയ ഫീച്ചറുകളും

ഐഫോണുകൾക്കും, ഐപോഡുകൾക്കും വേണ്ടി ആപ്പിൾ ഐഓഎസിന്റെ പുതിയ പതിപ്പായ ഐഓഎസ് 13 പുറത്തിറക്കി. ഐപാഡിന് പ്രത്യേകം ഐപാഡ് ഓഎസും അവതരിപ്പിച്ചു. കാലിഫോർണിയയിലെ സാൻജോസിൽ നടക്കുന്ന ഈ വർഷത്തെ ആപ്പിൾ വേൾഡ് വൈഡ് ഡെവലപ്പേഴ്സ് കോൺഫറൻസിലാണ് ഓപ്പറേറ്റിങ് സിസ്റ്റങ്ങളുടെ പുതിയ പതിപ്പുകൾ അവതരിപ്പിച്ചത്.നിരവധി പുതിയ ഫീച്ചറുകളും മാറ്റങ്ങളും ഉൾപ്പെടുത്തിയാണ് ഐഓഎസ് 13 അവതരിപ്പിച്ചത്. ഡാർക്ക് മോഡ്, പുതിയ ആപ്പിൾ മാപ്പ്, ഫോട്ടോസ് ആപ്പിലെ പരിഷ്കാരങ്ങൾ എന്നിവ അവയിൽ ചിലതാണ്. നിലവിൽ ഡെവലപ്പർമാർക്കായി പുതിയ ഓഎസ് ലഭ്യമാക്കിയിട്ടുണ്ട്.ഈ മാസം അവസാനത്തോടെ ഓഎസിന്റെ പബ്ലിക്ക് ബീറ്റാ പതിപ്പ് ഉപയോക്താക്കൾക്ക് ലഭ്യമാക്കും.ആപ്ലിക്കേഷനുകളിലടക്കം ഫോണിൽ പൂർണമായും വെള്ള പശ്ചാത്തലം ഒഴിവാക്കി ഇരുണ്ട നിറം കൊണ്ടുവരുന്ന ഡാർക്ക് മോഡ് സംവിധാനമാണ് ഐഓഎസ് 13 ൽ കൊണ്ടുവന്നിട്ടുള്ളത്. ഐഓഎസിൽ തന്നെയുള്ള ഡാർക്ക് മോഡ് ആപ്പ് ഡെവലപ്പർമാർക്ക് പ്രയോജനപ്പെടുത്താം.ഫോണിൽ ഉൾപ്പെടുത്തിയിരിക്കുന്ന മെഷീൻ ലേണിങ് സംവിധാനം ഉപയോഗിച്ച് ഫോട്ടോസ് ആപ്പിലെ ചിത്രങ്ങൾ ക്രമീകരിക്കും. മെഷീൻ ലേണിങ് സംവിധാനം വഴി ചിത്രങ്ങൾ ക്രമീകരിക്കുന്നതിലൂടെ ചിത്രങ്ങൾ വളരെ എളുപ്പം തിരഞ്ഞുകണ്ടുപിടിക്കാൻ സാധിക്കും. ചിത്രങ്ങൾ എഡിറ്റ് ചെയ്യാനുള്ള സൗകര്യങ്ങളും മെച്ചപ്പെടുത്തിയിട്ടുണ്ട്.സ്വകാര്യതയ്ക്ക് ഊന്നൽ നൽകുന്നതിന്റെ ഭാഗമായി ആപ്പുകളിലും മറ്റ് സേവനങ്ങളിലും സൈൻ ഇൻ ചെയ്യുന്നതിനായി ആപ്പിൾ പുതിയ ഐപ്പിൾ ഐഡി അവതരിപ്പിച്ചു. ഇമെയിൽ ഐഡി ഉപയോഗിച്ച് ലോഗിൻ ചെയ്യുന്നതിന് പകരം ആപ്പിൾ ഐഡി ഓതന്റിക്കേഷൻ ഉപയോഗിക്കാം. ഈ സൗകര്യം ലഭ്യമില്ലാത്ത ഇടങ്ങളിൽ ഉപയോക്താക്കൾക്ക് പ്രത്യേകം ഇമെയിൽ അഡ്രസ് ഉണ്ടാക്കാനും അവ ആപ്പുകളുമായും വെഹ്സൈറ്റുകളുമായും പങ്കുവെക്കാം. ആപ്പിൾ ഐഡി ഉപയോഗിക്കുന്നവരുടെ വിവരങ്ങൾ ഉപയോക്താക്കളെ പഠിക്കുന്നതിനായി ഉപയോഗിക്കില്ലെന്നും ആപ്പിൾ വ്യക്തമാക്കി.
കൂടുതൽ വിവരങ്ങൾ ഉൾപ്പെടുത്തിയാണ് പുതിയ ആപ്പിൾ മാപ്പ്സ് അവതരിപ്പിച്ചിരിക്കുന്നത്. കൂടുതൽ റോഡുകളും, കാൽനടയാത്രക്കാർക്കുള്ള വിവരങ്ങളും ഉൾപ്പെടുത്തിയിട്ടുണ്ട്. നഗരങ്ങളുടെ ത്രിമാന ദൃശ്യങ്ങളും ആപ്പിൾ മാപ്പ്സ് വാഗ്ദാനം ചെയ്യുന്നു. ഗൂഗിൾ മാപ്പിലേത് പോലെ, മാപ്പ് ലൊക്കേഷൻ മറ്റുള്ളവരുമായി പങ്കുവെക്കാനും ആപ്പിൾ മാപ്പിൽ സാധിക്കും. അമേരിക്കൻ നഗരങ്ങൾക്കായിരിക്കും ഈ മാറ്റങ്ങളുടെ ആനുകൂല്യം ആദ്യം ലഭിക്കുക.റിമൈന്റർ , മെസേജസ്, നോട്ട്സ്, ഫയൽസ്, ഹെൽത്ത് ആപ്ലിക്കേഷനുകളും പുതിയ ഫീച്ചറുകൾ ഉൾപ്പെടുത്തി പരിഷ്കരിച്ചിട്ടുണ്ട്. സിരി അസിസ്റ്റന്റിലും പുതിയ മാറ്റങ്ങൾ വന്നിട്ടുണ്ട്.ഫോണിന്റെ പ്രവർത്തന ക്ഷമതയും വേഗതയും വർധിപ്പിക്കുന്നതിനായി ആപ്പിൾ ആപ്ലിക്കേഷനുകളുടെയും അപ്ഡേറ്റുകളുടെയും വലിപ്പം കുറക്കുകയും ചെയ്തു.

LEAVE A REPLY

Please enter your comment!
Please enter your name here

Must Read

ഇന്ത്യയിലെ മൊബൈൽ നമ്പരുകൾ 11 അക്കമാക്കാൻ ട്രായ് ശുപാർശ

രാജ്യത്തെ മൊബൈൽ നമ്പരുകൾ പതിനൊന്ന് അക്കങ്ങളായി വർദ്ധിപ്പിക്കണം എന്ന ശുപാർശയുമായി ടെലിക്കോം റെഗുലേറ്ററായ ട്രായ് രംഗത്ത്. നിലവിൽ ഇന്ത്യയിലെ മൊബൽ നമ്പരുകളിൽ പത്ത് അക്കങ്ങളുള്ള നമ്പരുകളാണ് ഉള്ളത്. രാജ്യത്ത് മൊബൈൽ...

വ്യവസായ ലോകത്തിന് ആശ്വാസമായി ‘എഫിസ’ത്തിന്റെ വര്‍ക്ക് ഫ്രം ഹോം മോണിറ്ററിങ്

കോവിഡ്- 19 പൊട്ടിപ്പുറപ്പെട്ടതിനെത്തുടർന്ന് ലോകത്തിന്റെ പലവിധ പ്രതിസന്ധികളാണ് ജനങ്ങൾ നേരിടുന്നത്. ഇതിൽ ഏറ്റവും കൂടുതൽ പ്രതിസന്ധിയിലായിരിക്കുന്നവരിൽ വലിയൊരു വിഭാഗം തൊഴിലുടമകളും ശമ്പളം വാങ്ങി ജീവിക്കുന്ന ഇടത്തരക്കാരുമാണ്.മുൻകരുതൽ നടപടിയായി പല ജോലിസ്ഥലങ്ങളും...

ഏറ്റവും പുതിയ കൊറോണ അപ്‌ഡേറ്റ് ലഭിക്കാന്‍ ലോകാരോഗ്യ സംഘടനയുടെ വാട്‌സാപ്പ് നമ്പര്‍

കോറോണ വൈറസ് പകർച്ചവ്യാധിയെ കുറിച്ചുള്ള ആധികാരികമായ അറിയിപ്പുകൾ ജനങ്ങളിലെത്തിക്കുന്നതിനായി വാട്സാപ്പിലൂടെ ലോകാരോഗ്യ സംഘടനയുടെ ആരോഗ്യ മുന്നറിയിപ്പ്. വ്യാജവാർത്തകൾ വ്യാപകമായി വാട്സാപ്പിലൂടെ പ്രചരിക്കുന്ന സാഹചര്യത്തിലാണ് ലോകാരോഗ്യ സംഘടനയിൽനിന്ന് നേരിട്ടുള്ള അറിയിപ്പുകൾ വാട്സാപ്പ്...

വിമർശനങ്ങൾ :പ്രത്യേക നിർദേശക സമിതിയെ നിയമിച്ച് ടിക് ടോക്ക്.

ഉള്ളടക്ക നിയന്ത്രണ നയങ്ങളുടെ പേരിൽ അടുത്തകാലത്തായി ടിക് ടോക്ക് വ്യാപകമായ വിമർശനങ്ങൾ നേരിടുന്നുണ്ട്. ചൈനാ വിരുദ്ധ ഉള്ളടക്കമുള്ള വീഡിയോകൾക്ക് ടിക് ടോക്ക് നിയന്ത്രണമേർപ്പെടുത്തുന്നു എന്ന് അമേരിക്ക വിമർശനമുയർത്തിയിരുന്നു. ആളുകളുടെ ഭംഗിയുടേയും...

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്.

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്. സ്മാർട്ഫോണുകൾ സൃഷ്ടിക്കപ്പെട്ടതിന് ശേഷം നേരിടുന്ന ഏറ്റവും വലിയ വിൽപ്പനയിടിവാണിത്. ഫെബ്രുവരിയിൽ 38% ഇടിവാണ് പുതിയ ഫോണുകളുടെ വിൽപനയിൽ ഉണ്ടായതെന്ന് ഗവേഷണ...