Home LATEST ഊബര്‍ ഈറ്റ്‌സ്, ജസ്റ്റ് ഈറ്റ് എന്നിവയ്‌ക്കെതിരായ മത്സരം കടുപ്പിച്ച് ആമസോണ്‍

ഊബര്‍ ഈറ്റ്‌സ്, ജസ്റ്റ് ഈറ്റ് എന്നിവയ്‌ക്കെതിരായ മത്സരം കടുപ്പിച്ച് ആമസോണ്‍

ബ്രിട്ടണിലെ ഫുഡ് ഡെലിവറി കമ്പനിയായ ഡെലിവെറൂവില്‍ വന്‍തുക നിക്ഷേപിച്ച് ആമസോണ്‍, ഊബര്‍ ഈറ്റ്‌സ്, ജസ്റ്റ് ഈറ്റ് എന്നിവയ്‌ക്കെതിരായ മത്സരം കടുപ്പിച്ചു. ഡെലിവെറൂ സമാഹരിച്ച 575 മില്യണ്‍ ഡോളറിൽ സിംഹഭാഗവും നിക്ഷേപിച്ചത് ആമസോണ്‍ ആണെന്നാണ് അറിയുന്നത്.ആമസോണ്‍ ഫ്രെഷ്, ആമസോണ്‍ പാന്‍ട്രി, ആമസോണ്‍ പ്രൈം നൗ എന്നിവ വഴി ഇപ്പോള്‍ ആമസോണ്‍ ബ്രിട്ടണില്‍ ഭക്ഷ്യവസ്തുക്കള്‍ വില്‍ക്കുന്നുണ്ട്. എന്നാല്‍ ഇത് ആകെ വിപണി വിഹിതത്തിന്റെ ഒരു ശതമാനത്തില്‍ താഴെ മാത്രമാണ്. ഇതാണ് ആമസോണിന്റെ പുതിയ നീക്കത്തിന് പിന്നിൽ.സമാഹരിച്ച നിക്ഷേപത്തുക സാങ്കേതികവിദ്യയുടെ വികസനത്തിനും ഭക്ഷണശാലകള്‍ക്ക് വാടകയ്ക്ക് നല്‍കുന്നതിനുള്ള അടുക്കളകളുടെ നിര്‍മ്മാണത്തിനുമായി ഉപയോഗിക്കുമെന്ന് ഡെലിവെറൂ സ്ഥാപകനും സിഇഒ-യുമായ വില്‍ ഷു വ്യക്തമാക്കി.ലണ്ടണ്‍ ആസ്ഥാനമായി പ്രവര്‍ത്തിക്കുന്ന ഡെലിവെറൂവിന് 60000 വിതരണക്കാരുണ്ട്. എണ്‍പതിനായിരത്തിലധികം ഭക്ഷണശാലകളും കമ്പനിയുമായി സഹകരിക്കുന്നു. ഫ്രാന്‍സ്, ജര്‍മ്മനി, ഹോങ്കോങ്, സിംഗപ്പൂര്‍, കുവൈറ്റ് തുടങ്ങി 14 രാജ്യങ്ങളില്‍ കമ്പനി പ്രവര്‍ത്തിക്കുന്നുണ്ട്.ബ്രിട്ടണില്‍ കമ്പനി ഊബര്‍ ഈറ്റ്‌സ്, ജസ്റ്റ് ഈറ്റ് എന്നിവയില്‍ നിന്ന് കടുത്ത മത്സരമാണ് നേരിടുന്നത്. ഡെലിവെറൂവിന്റെ സമീപനങ്ങളില്‍ ആകൃഷ്ടരായാണ് കമ്പനിയില്‍ നിക്ഷേപം നടത്തിയതെന്ന് ആമസോണ്‍ യുകെ കണ്‍ട്രി മാനേജര്‍ ഡൗങ് ഗുര്‍ പറഞ്ഞു. നൂതനമായ സാങ്കേതികവിദ്യയും സേവനവുമാണ് ഡെലിവെറൂവിന്റെ സവിശേഷതയെന്നും അദ്ദേഹം കൂട്ടിച്ചേര്‍ത്തു.വാര്‍ത്ത പുറത്തുവന്നതോടെ ജസ്റ്റ് ഈറ്റിന്റെ ഓഹരി വിലയില്‍ 10 ശതമാനത്തിന്റെ കുറവുണ്ടായി.

LEAVE A REPLY

Please enter your comment!
Please enter your name here

Must Read

ഇന്ത്യയിലെ മൊബൈൽ നമ്പരുകൾ 11 അക്കമാക്കാൻ ട്രായ് ശുപാർശ

രാജ്യത്തെ മൊബൈൽ നമ്പരുകൾ പതിനൊന്ന് അക്കങ്ങളായി വർദ്ധിപ്പിക്കണം എന്ന ശുപാർശയുമായി ടെലിക്കോം റെഗുലേറ്ററായ ട്രായ് രംഗത്ത്. നിലവിൽ ഇന്ത്യയിലെ മൊബൽ നമ്പരുകളിൽ പത്ത് അക്കങ്ങളുള്ള നമ്പരുകളാണ് ഉള്ളത്. രാജ്യത്ത് മൊബൈൽ...

വ്യവസായ ലോകത്തിന് ആശ്വാസമായി ‘എഫിസ’ത്തിന്റെ വര്‍ക്ക് ഫ്രം ഹോം മോണിറ്ററിങ്

കോവിഡ്- 19 പൊട്ടിപ്പുറപ്പെട്ടതിനെത്തുടർന്ന് ലോകത്തിന്റെ പലവിധ പ്രതിസന്ധികളാണ് ജനങ്ങൾ നേരിടുന്നത്. ഇതിൽ ഏറ്റവും കൂടുതൽ പ്രതിസന്ധിയിലായിരിക്കുന്നവരിൽ വലിയൊരു വിഭാഗം തൊഴിലുടമകളും ശമ്പളം വാങ്ങി ജീവിക്കുന്ന ഇടത്തരക്കാരുമാണ്.മുൻകരുതൽ നടപടിയായി പല ജോലിസ്ഥലങ്ങളും...

ഏറ്റവും പുതിയ കൊറോണ അപ്‌ഡേറ്റ് ലഭിക്കാന്‍ ലോകാരോഗ്യ സംഘടനയുടെ വാട്‌സാപ്പ് നമ്പര്‍

കോറോണ വൈറസ് പകർച്ചവ്യാധിയെ കുറിച്ചുള്ള ആധികാരികമായ അറിയിപ്പുകൾ ജനങ്ങളിലെത്തിക്കുന്നതിനായി വാട്സാപ്പിലൂടെ ലോകാരോഗ്യ സംഘടനയുടെ ആരോഗ്യ മുന്നറിയിപ്പ്. വ്യാജവാർത്തകൾ വ്യാപകമായി വാട്സാപ്പിലൂടെ പ്രചരിക്കുന്ന സാഹചര്യത്തിലാണ് ലോകാരോഗ്യ സംഘടനയിൽനിന്ന് നേരിട്ടുള്ള അറിയിപ്പുകൾ വാട്സാപ്പ്...

വിമർശനങ്ങൾ :പ്രത്യേക നിർദേശക സമിതിയെ നിയമിച്ച് ടിക് ടോക്ക്.

ഉള്ളടക്ക നിയന്ത്രണ നയങ്ങളുടെ പേരിൽ അടുത്തകാലത്തായി ടിക് ടോക്ക് വ്യാപകമായ വിമർശനങ്ങൾ നേരിടുന്നുണ്ട്. ചൈനാ വിരുദ്ധ ഉള്ളടക്കമുള്ള വീഡിയോകൾക്ക് ടിക് ടോക്ക് നിയന്ത്രണമേർപ്പെടുത്തുന്നു എന്ന് അമേരിക്ക വിമർശനമുയർത്തിയിരുന്നു. ആളുകളുടെ ഭംഗിയുടേയും...

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്.

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്. സ്മാർട്ഫോണുകൾ സൃഷ്ടിക്കപ്പെട്ടതിന് ശേഷം നേരിടുന്ന ഏറ്റവും വലിയ വിൽപ്പനയിടിവാണിത്. ഫെബ്രുവരിയിൽ 38% ഇടിവാണ് പുതിയ ഫോണുകളുടെ വിൽപനയിൽ ഉണ്ടായതെന്ന് ഗവേഷണ...