Home GADGET 6കെ വിഡിയോ റെക്കോഡു ചെയ്യാവുന്ന ഫുള്‍ഫ്രെയിം മിറര്‍ലെസ് ക്യാമറയുമായി പാനസോണിക്

6കെ വിഡിയോ റെക്കോഡു ചെയ്യാവുന്ന ഫുള്‍ഫ്രെയിം മിറര്‍ലെസ് ക്യാമറയുമായി പാനസോണിക്

6കെ വിഡിയോ റെക്കോഡു ചെയ്യാവുന്ന ഒരു ഫുള്‍ഫ്രെയിം മിറര്‍ലെസ് ക്യാമറ നിര്‍മിച്ചു കൊണ്ടിരിക്കുകയാണെന്ന് പാനസോണിക് അറിയിച്ചു. ലൂമിക്‌സ് ഡിസി-എസ്1എച് (Lumix DC-S1H) എന്ന പേരില്‍ ഒരുങ്ങുന്ന ക്യാമറ ഈ വര്‍ഷം തന്നെ വിപണിയിലെത്തുമെന്നാണ് കമ്പനി പറയുന്നത്. വിഡിയോ റെക്കോഡിങ്ങില്‍ മികവു തെളിയിച്ച ജിഎച്5, ജിഎച്5എസ് തുടങ്ങിയ മൈക്രോ ഫോര്‍ തേഡ്‌സ് ക്യാമറകളുടെ നിര്‍മാതാക്കളില്‍ നിന്നിറങ്ങാന്‍ പോകുന്ന ക്യാമറ എന്ന നിലയില്‍ ഇത് പാനസോണിക്കിന്റെ പ്രഖ്യാപനം ക്യാമറ പ്രേമികളില്‍ ജിജ്ഞാസയുണര്‍ത്തുന്നു.എസ്1എചിന്റെ പ്രധാന ഫീച്ചര്‍ അതിന് 6കെ/24പി വിഡിയോ റെക്കോഡു ചെയ്യാനുള്ള ശേഷി തന്നെയാണ്. എന്നാല്‍, ഇത് ഫുള്‍ഫ്രെയിം സെന്‍സറിന്റെ മുഴുവന്‍ പ്രതലവും ഉപയോഗിച്ചല്ല എന്നത് ചിലരിലെങ്കിലും ആവേശം തണുപ്പിക്കുകയും ചെയ്തു. 6 കെ വിഡിയോ സെന്‍സറിന്റെ 3:2 ഭാഗത്തു നിന്നുമാത്രമാകും റെക്കോർഡു ചെയ്യുക. 5.9 കെ വിഡിയോ, സെന്‍സറിന്റെ 16:9 ക്രോപ്പിലുമായിരിക്കും റെക്കോഡു ചെയ്യുക. എന്നാല്‍, 4കെയുടെ കാര്യം പറഞ്ഞാല്‍ 10-ബിറ്റ് 4കെ/60പി വിഡിയോ റെക്കോഡു ചെയ്യുമെന്നത് ചില വിഡിയോഗ്രാഫര്‍മാര്‍ക്ക് താത്പര്യജനകമായിരിക്കും. ഇതു കൂടാതെ 4:3 അടക്കം പല അനുപാതത്തിലും വിഡിയോ റെക്കോഡു ചെയ്യാനാകുമെന്നും പറയുന്നു. റെക്കോഡിങ് ലിമിറ്റില്ല. ബാറ്ററി തീരുന്നതു വരെ വിഡിയോ പിടിക്കാം. പാനസോണിക്കിന്റെ പ്രൊഫഷണല്‍ സിനിമ ക്യാമറയായ വേരിക്യാമിന്റെയത്ര മികവുള്ള വിഡിയോ വി-ലോഗും വി-ഗ്‌യമട്ടും ഉപയോഗിച്ചാല്‍ സൃഷ്ടിക്കാമെന്നാണ് കമ്പനി പറയുന്നത്. 14 സ്റ്റോപ്പിലേറെ ഡൈനാമിക് റെയ്ഞ്ച് ക്യാമറയ്ക്കുണ്ടെന്നാണ് പാനസോണിക് പറയുന്നത്.അടുത്ത വര്‍ഷം തീരുന്നതിനു മുൻപ് 10 എല്‍ മൗണ്ട് ലെന്‍സുകള്‍ പുറത്തിറക്കാന്‍ ഉദ്ദേശിക്കുന്നുണ്ടെന്നും പാനസോണിക് പറഞ്ഞു. ഇഎഫ്, പിഎല്‍ അഡാപ്റ്ററുകള്‍ ഉപയോഗിച്ചാല്‍ അമ്പതിലേറെ സിനിമാ ലെന്‍സുകള്‍ ക്യാമറയില്‍ പിടിപ്പിക്കാമെന്നും അവര്‍ പറയുന്നു.പാനസോണിക്കിനെ പ്രിയപ്പെട്ട വിഡിയോ റെക്കോഡിങ് ക്യാമറയാക്കിയ ജിഎച് സീരിസിന്റെ ഒരു ഫുള്‍ഫ്രെയിം വേര്‍ഷനാണിതെന്നു പറയാം. കൃത്യമായി അറിയില്ലെങ്കിലും 24 എംപി സെന്‍സറായിരിക്കാനാണ് വഴിയെന്നാണ് അനുമാനം. പാനസോണിക്കിന്റെ എസ്1, എസ്1ആര്‍ ക്യാമറകള അനുസ്മരിപ്പിക്കുന്ന ബോഡി ആയിരിക്കും. പക്ഷേ അതേ ബോഡി ആയിരിക്കില്ലെന്നും പറയുന്നു. അവയെക്കാള്‍ അല്‍പം കൂടെ വലുപ്പക്കൂടുതലാണ് പ്രതീക്ഷിക്കുന്നത്.പ്രോ വിഡിയോഗ്രാഫര്‍മാരെയും സിനിമറ്റോഗ്രാഫര്‍മാരെയും മുന്നില്‍ കണ്ടു നിര്‍മിക്കുന്നതാണ് എസ്1എച് ക്യാമറ. ഫോട്ടോയ്‌ക്കൊപ്പം വിഡിയോയും റെക്കോഡു ചെയ്യാനാഗ്രിഹിക്കുന്ന വെഡിങ് ഫോട്ടോഗ്രാഫര്‍മാരായിരിക്കും പ്രധാന ലക്ഷ്യം. ഇതില്‍ റെക്കോർഡു ചെയ്യുന്ന വിഡിയോ, അധികം ക്വാളിറ്റി നഷ്ടപ്പെടാതെ ക്രോപ്പു ചെയ്യാനും റൊട്ടേറ്റുചെയ്യാനും സ്റ്റബിലൈസു ചെയ്യാനും എല്ലാം സാധിച്ചേക്കുമെന്നാണ് കരുതുന്നത്. എച്ഡിഎംഐ പോര്‍ട്ടു വഴി സെന്‍സറിന്റെ വിഡിയോ ഔട്ട്പുട്ട് നല്‍കാനും ശ്രമമുണ്ടെന്നു പറയുന്നു. എക്‌സ്‌റ്റേണല്‍ റെക്കോര്‍ഡറിലേക്ക് പ്രോറെസ്റോ (ProRes Raw) അല്ലെങ്കില്‍ സിനിമാ ഡിഎന്‍ജി റോ (CinemaDNG Raw) ഷൂട്ടു ചെയ്യാനുള്ള കഴിവും പ്രതീക്ഷിക്കുന്നു.ക്യാമറാ ബോഡിയുടെ വില 4,000 ഡോളറായിരിക്കുമെന്നാണ് പറയുന്നത്. നേരത്തെ പുറത്തു വന്ന അഭ്യൂഹങ്ങള്‍ പ്രകാരം ഏകദേശം 6,000 ഡോളറായിരിക്കും വില എന്നു കേട്ടിരുന്നു. എന്തായാലും പാനസോണിക് എസ്1എച് ഗുണനിലവാരുമുള്ള വിഡിയോ ഷൂട്ടു ചെയ്യാന്‍ ആഗ്രഹിക്കുന്നവര്‍ക്ക് പുതിയ പ്രതീക്ഷ നല്‍കുന്നു

LEAVE A REPLY

Please enter your comment!
Please enter your name here

Must Read

മൊബൈല്‍ ഇന്റര്‍നെറ്റ് വേഗത്തില്‍ ഇന്ത്യ, പാകിസ്താനും ശ്രീലങ്കയ്ക്കും നേപ്പാളിനും പിന്നില്‍

മൊബൈൽ ബ്രോഡ്ബാൻഡ് വേഗത്തിൽ ശ്രീലങ്ക, പാകിസ്താൻ, നേപ്പാൾ എന്നീ രാജ്യങ്ങൾക്ക് പിന്നിലായി ഇന്ത്യ. 128-ാം സ്ഥാനമാണ് ഇന്ത്യയ്ക്ക്. ബ്രോഡ്ബാന്റ് സ്പീഡ് അനാലിസിസ് സ്ഥാപനമായ ഊക്ല (Ookla) പുറത്തുവിട്ട സെപ്റ്റംബർ മാസത്തെ...

ടിക് ടോക്ക് ഇന്ത്യയ്ക്ക് നിഖില്‍ ഗാന്ധി നേതൃത്വം നല്‍കും

ടിക് ടോക്ക് ഇന്ത്യ മേധാവിയായി മുൻ ടൈംസ് നെറ്റ് വർക്ക് ഉദ്യോഗസ്ഥനായ നിഖിൽ ഗാന്ധി ചുമതലയേറ്റു. ചൈനീസ് ഷോർട്ട് വീഡിയോ ഷെയറിങ് സേവനമായ ടിക് ടോക്കിന്റെ ഇന്ത്യയിലെ വളർച്ചയ്ക്ക് നേതൃത്വം നൽകുകയും ടിക്...

സ്പ്ലാഷ് സ്‌ക്രീന്‍, ഡാര്‍ക്ക് മോഡ്, വാട്‌സാപ്പില്‍ പുതിയ ഫീച്ചറുകളെത്തി

വാട്സാപ്പിന്റെ ബീറ്റാ പതിപ്പിൽ പുതിയ അപ്ഡേറ്റ് എത്തി. പക്ഷെ ഐഫോൺ ഐഓഎസ് ബീറ്റാ പതിപ്പിലാണ് പുതിയ ഫീച്ചറുകളെത്തിയത്. സ്പ്ലാഷ് സ്ക്രീൻ, ഹൈഡ് മ്യൂട്ടഡ് സ്റ്റാറ്റസ് അപ്ഡേറ്റ്, പരിഷ്കരിച്ച ആപ്പ് ബാഡ്ജ്, ഡാർക്ക് മോഡ്...

പുതിയ ‘എസ്ബിഐ കാര്‍ഡ് പേ’സ്വൈപ്പിങ് മെഷീനിന്റെ അടുത്ത് ഫോണ്‍ വെച്ചാല്‍ ഇടപാട് നടത്താം

രാജ്യത്തെ പ്രമുഖ ക്രെഡിറ്റ് കാർഡ് വിതരണക്കാരായ എസ്ബിഐ കാർഡ് കോൺടാക്റ്റ്ലെസ് പേയ്മെന്റുകൾക്കായി 'എസ്ബിഐ കാർഡ് പേ' അവതരിപ്പിച്ചു. ഹോസ്റ്റ് കാർഡ് എമ്യുലേഷൻ (എച്ച്സിഇ) സാങ്കേതിക വിദ്യയിൽ അധിഷ്ഠിതമായ സംവിധാനം മൊബൈൽ...

വാവെയ് സ്വന്തം ഓപ്പറേറ്റിങ് സിസ്റ്റമായ ഹാര്‍മണിഒസ് അവതരിപ്പിച്ചു

ഏതാനും മാസത്തെ ഊഹാപോഹങ്ങള്‍ അവസാനിപ്പിച്ച്, ലോകത്തെ രണ്ടാമത്തെവലിയ സ്മാര്‍ട് ഫോണ്‍ നിര്‍മാതാവും ചൈനീസ് ടെക്‌നോളജി ഭീമനുമായ വാവെയ്സ്വന്തം ഓപ്പറേറ്റിങ് സിസ്റ്റമായ ഹോങ്‌മെങ്ഒഎസ് (HongmengOS) അവതരിപ്പിച്ചു. ചൈനയിലല്ലാത്ത ഉപയോക്താക്കള്‍ക്ക് ഇത് ഹാര്‍മണിഒസ് (HarmonyOS) എന്നപേരിലായിരിക്കും അറിയപ്പെടുക. തങ്ങളുടെ ഓപ്പറേറ്റിങ് സിസ്റ്റം സ്മാര്‍ട്ഫോണുകളിലും സ്മാര്‍ട് സ്പീക്കറുകളിലും ടാബുകളിലും ടെലിവിഷനുകളിലുംഇന്റര്‍നെറ്റ് ഓഫ് തിങ്‌സിലെ സെന്‍സറുകളിലും അടക്കം പല ഉപകരണങ്ങളെയുംചാലകമാക്കാന്‍ ഉതകുമെന്ന് കമ്പനി പറഞ്ഞു.തന്‍പോരിമയുള്ളകമ്പനികളിലൊന്നായ വാവെയ് സ്വന്തം ഓപ്പറേറ്റിങ് സിസ്റ്റം എന്ന സ്വപ്‌നം പലവര്‍ഷങ്ങളായി താലോലിച്ചു വരികയായിരുന്നു. എന്നാല്‍ ഗൂഗിള്‍, വാവെയ്ക്കുനല്‍കിയിരുന്ന ആന്‍ഡ്രോയിഡ് ഒഎസ് ലൈസന്‍സ് പിന്‍വലിച്ചതോടു കൂടിപുതിയ ഒഎസ് പരീക്ഷിക്കാന്‍ തന്നെ കമ്പനി തീരുമാനിക്കുകയായിരുന്നു. ലൈസന്‍സ് പുനഃസ്ഥാപിച്ചെങ്കിലും ഇത്തരം സംഭവങ്ങള്‍ ഭാവിയിലും ഉണ്ടാകാമെന്നതിരിച്ചറിവാണ് കമ്പനിയെ ഓപ്പറേറ്റിങ് സിസ്റ്റത്തിന്റെ നിര്‍മാണം വേഗത്തിലാക്കാന്‍പ്രേരിപ്പിച്ചത്. അമേരിക്കന്‍ പ്രസിഡന്റ് ഡോണള്‍ഡ് ട്രംപ് വാവെയ്‌ക്കെതിരെഉപരോധം ഏര്‍പ്പെടുത്തിയതാണ് ഗൂഗിള്‍ വാവെയുടെ ലൈസന്‍സുകള്‍പിന്‍വലിക്കാന്‍ കാരണം.അമേരിക്ക-ചൈന വാണിജ്യ യുദ്ധത്തിന്റെനടുക്കുപെട്ടുപോയ കമ്പനിയാണ് വാവെയ്. അവര്‍ക്ക് തങ്ങളുടെ മുന്നോട്ടുള്ളനീക്കങ്ങള്‍ക്ക് ഗൂഗിള്‍, മൈക്രോസോഫ്റ്റ്, ഇന്റല്‍ തുടങ്ങി നിരവധി അമേരിക്കന്‍കമ്പനികളുടെ സഹായം വേണ്ടിയിരുന്നു. ഹാര്‍മണിഒഎസ് പുറത്തിറക്കിയവാര്‍ത്തപുറത്തുവിട്ട സിഎന്‍ബിസി പറയുന്നത്. പുതിയ ഓപ്പറേറ്റിങ് സിസ്റ്റംഉപയോഗിച്ചുള്ള ഫോണുകളും മറ്റും ആദ്യം ചൈനയില്‍ മാത്രമായിരിക്കുംലഭ്യമാക്കുക എന്ന് കമ്പനിയുടെ കണ്‍സ്യൂമര്‍ വിഭാഗത്തിന്റെ മേധാവി റിച്ചാഡ് യൂപറഞ്ഞു എന്നാണ്. പിന്നീട് ഇത് ആഗോളതലത്തില്‍ അവതരിപ്പിക്കും. എന്നാല്‍തങ്ങള്‍ ആന്‍ഡ്രോയിഡുമായുള്ള ബന്ധം തുടരുമെന്നും യൂ പറഞ്ഞു. എന്നാല്‍, അടിയന്തര സാഹചര്യമുണ്ടായാല്‍ ഒട്ടും സമയം കളായാതെ പുതിയ ഓപ്പറേറ്റിങ്സിസ്റ്റത്തിലേക്കു മാറുകയും ചെയ്യുമെന്ന് അദ്ദേഹം പറഞ്ഞു.തങ്ങളുടെ സ്മാര്‍ട് ഫോണ്‍ വില്‍പന ഇടിയുന്നു എന്നതും, അമേരിക്കയുമായുള്ളപ്രശ്‌നങ്ങള്‍ക്ക് ശാശ്വത പരിഹാരം ആയില്ല എന്നതുമൊക്കെയുണ്ടെങ്കിലും വാവെയ്സ്മാര്‍ട് ഫോണുകള്‍ മുറയ്ക്ക് ഇറക്കുന്നുണ്ട്. ചൈനയില്‍ പലരും ദേശഭക്തികാണിക്കാനായി വാവെയ് ഫോണുകള്‍ വാങ്ങുന്നു. ചില ചൈനീസ് കമ്പനികള്‍വിദേശ കമ്പനികളുടെ പ്രൊഡക്ടുകള്‍ വാങ്ങരുതെന്ന് ഉപദേശിക്കുന്നുമുണ്ട്. എന്നാല്‍ വാവെയുടെ നീക്കം സ്മാര്‍ട് ഫോണ്‍ വിപണിയില്‍ വന്‍ മാറ്റങ്ങള്‍ക്കുവഴിവയ്ക്കാമെന്നാണ് ടെക് നിരൂപകര്‍ വിലയിരുത്തുന്നത്.സ്വന്തമായി ഓപ്പറേറ്റിങ്സിസ്റ്റം ഇറക്കിയതോടെ വാവെയ്ക്ക് ഗൂഗിളിനെ ആശ്രയിക്കേണ്ടി വരില്ല എന്നത്നാടകീയമായ ഒരു വഴിത്തിരിവാണ് സൃഷ്ടിച്ചിരിക്കുന്നത്. ദക്ഷിണ കൊറിയകേന്ദ്രമായി പ്രവര്‍ത്തിക്കുന്ന സാംസങ് ആണ് ലോകത്തെ ഏറ്റവും വലിയ സ്മാര്‍ട്ഫോണ്‍ നിര്‍മാതാവ്. രണ്ടാം സ്ഥാനത്ത് വാവെയും മൂന്നാം സ്ഥാനത്ത് ആപ്പിളുമാണ്. (പുതിയ റിപ്പോര്‍ട്ടുകള്‍ വന്നിട്ടില്ല. വാവെയ് പ്രശ്‌നത്തില്‍ പെട്ട സമയത്ത് ആപ്പിള്‍രണ്ടാം സ്ഥാനം തിരിച്ചു പിടിച്ചിട്ടുണ്ടാകാം.) എന്നാല്‍ ഈ മൂന്നു കമ്പനികള്‍ക്കുപിന്നില്‍ പ്രധാനപ്പെട്ട പല സ്മാര്‍ട് ഫോണ്‍ നിര്‍മാതാക്കളും ചൈനയില്‍നിന്നുള്ളവയാണ്. ഷഓമി, ഒപ്പോ, വിവോ, വണ്‍പ്ലസ് എന്നിങ്ങനെ നീളും ലിസ്റ്റ്. വാവെയ്ക്കു മാത്രമല്ല, ഈ ചൈനീസ് കമ്പനികള്‍ക്കും വേണ്ടിവന്നാല്‍ആന്‍ഡ്രോയിഡ് ഉപേക്ഷിച്ച് പുതിയ ഓപ്പറേറ്റിങ് സിസ്റ്റം ഏറ്റെടുക്കാമെന്നത്ആന്‍ഡ്രോയിഡ് ഉടമയായ ഗൂഗിളിന്റെ ഉറക്കം കെടുത്താന്‍ പര്യാപ്തമാണ് എന്നാണ്ടെക്‌നോളജി അവലോകകര്‍ അഭിപ്രായപ്പെടുന്നത്.അതു കൂടാതെയാണ് അമേരിക്ക-ചൈന വിഭജനം. പുതിയ ഓപ്പറേറ്റിങ് സിസ്റ്റംവിജയിച്ചാല്‍ അത് അമേരിക്കന്‍ കമ്പനികളുടെ കുത്തകയ്ക്ക് ഏല്‍ക്കുന്നകരുത്തന്‍ പ്രഹരം കൂടിയാകും. ഇതുവരെ എല്ലാ കമ്പനികള്‍ക്കും ആശ്രയിക്കാവുന്നഏക ഓപ്പറേറ്റിങ് സിസ്റ്റം ആന്‍ഡ്രോയിഡ് ആയിരുന്നു. ഇപ്പോഴിതാ മറ്റൊരു പാതതുറക്കുകയാണ്. ഇന്റര്‍നാഷണല്‍ വിപണികളില്‍ എന്നായിരിക്കുംഹാര്‍മണിഒഎസ് എത്തുക എന്നതിനെക്കുറിച്ച് ഇപ്പോള്‍ വ്യക്തമായവിവരമൊന്നുമില്ല. പുതിയ ഓപ്പറേറ്റിങ് സിസ്റ്റമുള്ള സ്വന്തം ഫോണ്‍ വാവെയ് എന്നുപുറത്തിറക്കുമെന്നതിനെക്കുറിച്ചും വിവരമൊന്നുമില്ല. എന്നാല്‍ സ്മാര്‍ട് ഫോണ്‍വിപണിയില്‍ വൻ ശക്തിയായി തീരാന്‍ സാധ്യതയുള്ളതാണ് ഹാര്‍മണിഒഎസ്എന്നു ചിലര്‍ വിശ്വസിക്കുന്നു.പക്ഷേ, ഹാര്‍മണിഒഎസിന് കാര്യങ്ങള്‍ അത്രസുഗമമാകണമെന്നില്ല. സാംസങ് ഇറക്കിയ ഓപ്പറേറ്റിങ് സിസ്റ്റത്തെപൂട്ടിക്കെട്ടിക്കാനാകുമെങ്കില്‍ വാവെയെ നിലയ്ക്കുനിർത്താനും ചിലപ്പോള്‍ഗൂഗിളിനായേക്കും. പക്ഷേ, വാവെയ് പിടിച്ചു നിന്നാല്‍ സാംസങ് പോലും സ്വന്തംഓപ്പറേറ്റിങ്സിസ്റ്റം ഇറക്കാനുള്ള വഴി പോലും തെളിയുകയും ചെയ്യും. ഇതെല്ലാംഇന്റര്‍നെറ്റ് ഭീമന്‍ ഗൂഗിളിന് വന്‍ തിരിച്ചടി നല്‍കിയേക്കാം