Home LATEST ഓണർ 20 പ്രോ, ഓണർ 20, ഓണർ 20 ഐ ഫോണുകൾ ഇന്ത്യയിൽ പുറത്തിറക്കി

ഓണർ 20 പ്രോ, ഓണർ 20, ഓണർ 20 ഐ ഫോണുകൾ ഇന്ത്യയിൽ പുറത്തിറക്കി

എല്ലാ മോഡലുകളും ഫ്ലിപ്കാർട്ട് വഴി മാത്രമായിരിക്കും വാങ്ങാൻ കഴിയുക

ഓണർ 20 സീരീസിലെ ഫോണുകൾ ഓണർ പുറത്തിറക്കി. ഓണർ 20 പ്രോ, ഓണർ 20, ഓണർ 20 ഐ എന്നീ ഫോണുകളാണ് കമ്പനി പുറത്തിറക്കിയത്. ഓണർ പാഡ് 5 മോഡലും കമ്പനി ഇന്ത്യയിൽ പുറത്തിറക്കി. എല്ലാ മോഡലുകളും ഫ്ലിപ്കാർട്ട് വഴി മാത്രമായിരിക്കും വാങ്ങാൻ കഴിയുക.ഓണർ 20 പ്രോയുടെ 8 ജിബി റാം + 256 ജിബി സ്റ്റോറേജ് മോഡലിന്റെ വില 39,999 രൂപയാണ് ഓണർ 20 യുടെ 6ജിബി റാം + 128 ജിബി സ്റ്റോറേജ് മോഡലിന്റെ വില 32,999 രൂപയും ഓണർ 20 ഐ 4 ജിബി റാം + 128 ജിബി സ്റ്റോറേജ് മോഡലിന്റെ വില 14,999 രൂപയുമാണ്. ഓണർ പാഡ് 5 ന്റെ രണ്ടു മോഡലുകളാണ് കമ്പനി ഇന്ത്യയിൽ പുറത്തിറക്കിയത്. 8 ഇഞ്ചിന്റെ 3ജിബി/32 ജിബി മോഡലിന്റെ വില 15,499 രൂപയും 4 ജിബി/64 ജിബി മോഡലിന്റെ വില 17,499 രൂപയുമാണ്. 10.1 ഇഞ്ചിന്റെ 3ജിബി/32 ജിബി മോഡലിന് 16,999 രൂപയും 4ജിബി/64 ജിബി മോഡലിന് 18,999 രൂപയുമാണ് വില.

ഓണർ 20 പ്രോ സ്‌പെസിഫിക്കേഷൻസ്

ഓണർ 20 പ്രോയുടേത് 6.26 ഇഞ്ച് എൽസിഡി സ്ക്രീനാണ്. കിരിൻ 980 പ്രൊസസറാണ് ഫോണിന് കരുത്തേകുന്നത്. 8 ജിബിയാണ് റാം. 256 ജിബിവരെ നീട്ടാം. പുറകിൽ നാലു ക്യാമറകളാണ് ഫോണിനുളളത്. പ്രൈമറി ക്യാമറ 48 മെഗാപിക്സലിന്റേതാണ് (അപേർച്ചർ f/1.4), 16 മെഗാപിക്സൽ, 8 മെഗാപിക്സൽ, 2 മെഗാപിക്സൽ ആണ് മറ്റു മൂന്നു ക്യാമറകളും. സെൽഫി ക്യാമറ 32 മെഗാപിക്സലാണ് (അപേർച്ചർ f/2.0). ഫോണിന്റെ വശത്തായി ഫിംഗർപ്രിന്റ് സെൻസറുമുണ്ട്. ആൻഡ്രോയിഡ് 9.0 അടിസ്ഥാനമാക്കിയുള്ള മാജിക് യുഐ ഒഎസാണ് ഫോണിൽ ഉപയോഗിച്ചിരിക്കുന്നത്. 4000 എംഎഎച്ച് ആണ് ബാറ്ററി.

ഓണർ 20 സ്‌പെസിഫിക്കേഷൻസ്

ഓണർ 20 പ്രോയുടെ അതേ വലിപ്പവും സ്ക്രീനും പ്രൊസസറുമാണ് ഓണർ 20 യിലുളളത്. ചെറിയ വ്യത്യാസങ്ങളേ ഫോണുകൾ തമ്മിലുളളൂ. ഓണർ 20 യുടെ മുൻക്യാമറ പ്രോയിലേതുപോലെയാണ്. പക്ഷേ ബാറ്ററി 3,750 മില്ലി ആംപിയർ ആണ്. ആൻഡ്രോയിഡ് 9.0 പൈ ഓപ്പറേറ്റിങ് സിസ്റ്റമാണ് ഫോണിൽ ഉപയോഗിച്ചിരിക്കുന്നത്. 6 ജിബിയാണ് റാം. 128 ജിബിയാണ് ഇന്റേണൽ മെമ്മറി. 48 മെഗാപിക്സൽ + 16 മെഗാപിക്സൽ + 2 മെഗാപിക്സൽ + 2 മെഗാപിക്സൽ ക്വാഡ് റിയർ ക്യാമറ + 32 മെഗാപിക്സൽ ഫ്രണ്ട് ക്യാമറകളാണ് ഫോണിലുളളത്.

ഓണർ 20ഐ

ഓണർ 20ഐയുടേത് 6.21 ഇഞ്ച് ഡിസ്‌പ്ലേയാണ്. പുറകിൽ ട്രിപ്പിൾ ക്യാമറയാണ്. 25 മെഗാപിക്സൽ + 8 മെഗാപിക്സൽ + 2 മെഗാപിക്സൽ ആണ് ക്യാമറ. കിരിൻ 710 പ്രൊസസസർ.

LEAVE A REPLY

Please enter your comment!
Please enter your name here

Must Read

ഇന്ത്യയിലെ മൊബൈൽ നമ്പരുകൾ 11 അക്കമാക്കാൻ ട്രായ് ശുപാർശ

രാജ്യത്തെ മൊബൈൽ നമ്പരുകൾ പതിനൊന്ന് അക്കങ്ങളായി വർദ്ധിപ്പിക്കണം എന്ന ശുപാർശയുമായി ടെലിക്കോം റെഗുലേറ്ററായ ട്രായ് രംഗത്ത്. നിലവിൽ ഇന്ത്യയിലെ മൊബൽ നമ്പരുകളിൽ പത്ത് അക്കങ്ങളുള്ള നമ്പരുകളാണ് ഉള്ളത്. രാജ്യത്ത് മൊബൈൽ...

വ്യവസായ ലോകത്തിന് ആശ്വാസമായി ‘എഫിസ’ത്തിന്റെ വര്‍ക്ക് ഫ്രം ഹോം മോണിറ്ററിങ്

കോവിഡ്- 19 പൊട്ടിപ്പുറപ്പെട്ടതിനെത്തുടർന്ന് ലോകത്തിന്റെ പലവിധ പ്രതിസന്ധികളാണ് ജനങ്ങൾ നേരിടുന്നത്. ഇതിൽ ഏറ്റവും കൂടുതൽ പ്രതിസന്ധിയിലായിരിക്കുന്നവരിൽ വലിയൊരു വിഭാഗം തൊഴിലുടമകളും ശമ്പളം വാങ്ങി ജീവിക്കുന്ന ഇടത്തരക്കാരുമാണ്.മുൻകരുതൽ നടപടിയായി പല ജോലിസ്ഥലങ്ങളും...

ഏറ്റവും പുതിയ കൊറോണ അപ്‌ഡേറ്റ് ലഭിക്കാന്‍ ലോകാരോഗ്യ സംഘടനയുടെ വാട്‌സാപ്പ് നമ്പര്‍

കോറോണ വൈറസ് പകർച്ചവ്യാധിയെ കുറിച്ചുള്ള ആധികാരികമായ അറിയിപ്പുകൾ ജനങ്ങളിലെത്തിക്കുന്നതിനായി വാട്സാപ്പിലൂടെ ലോകാരോഗ്യ സംഘടനയുടെ ആരോഗ്യ മുന്നറിയിപ്പ്. വ്യാജവാർത്തകൾ വ്യാപകമായി വാട്സാപ്പിലൂടെ പ്രചരിക്കുന്ന സാഹചര്യത്തിലാണ് ലോകാരോഗ്യ സംഘടനയിൽനിന്ന് നേരിട്ടുള്ള അറിയിപ്പുകൾ വാട്സാപ്പ്...

വിമർശനങ്ങൾ :പ്രത്യേക നിർദേശക സമിതിയെ നിയമിച്ച് ടിക് ടോക്ക്.

ഉള്ളടക്ക നിയന്ത്രണ നയങ്ങളുടെ പേരിൽ അടുത്തകാലത്തായി ടിക് ടോക്ക് വ്യാപകമായ വിമർശനങ്ങൾ നേരിടുന്നുണ്ട്. ചൈനാ വിരുദ്ധ ഉള്ളടക്കമുള്ള വീഡിയോകൾക്ക് ടിക് ടോക്ക് നിയന്ത്രണമേർപ്പെടുത്തുന്നു എന്ന് അമേരിക്ക വിമർശനമുയർത്തിയിരുന്നു. ആളുകളുടെ ഭംഗിയുടേയും...

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്.

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്. സ്മാർട്ഫോണുകൾ സൃഷ്ടിക്കപ്പെട്ടതിന് ശേഷം നേരിടുന്ന ഏറ്റവും വലിയ വിൽപ്പനയിടിവാണിത്. ഫെബ്രുവരിയിൽ 38% ഇടിവാണ് പുതിയ ഫോണുകളുടെ വിൽപനയിൽ ഉണ്ടായതെന്ന് ഗവേഷണ...