Home LATEST അഞ്ചു ക്യാമറകളുമായി നോക്കിയ 9 പ്യുർവ്യൂ

അഞ്ചു ക്യാമറകളുമായി നോക്കിയ 9 പ്യുർവ്യൂ

നോക്കിയ സ്മാർട് ഫോണിലെ ക്യാമറ ഉപയോഗിച്ചവർക്കറിയാം അതിന്റെ ഗുണം. ലൂമിയ സീരീസിലെ പതിനായിരം രൂപ റേഞ്ചിലുള്ള ഫോണുകളിൽ പോലും മാന്വൽ കൺട്രോൾസും കാൾസീസ് ലെൻസും നൽകിയ ചരിത്രമുണ്ട് നോക്കിയക്ക്.ഇപ്പോഴിതാ അഞ്ചു ക്യാമറകളുമായി സ്മാർട് ഫോൺ ഫൊട്ടോഗ്രഫിയുടെ ചരിത്രം മാറ്റാനിറങ്ങുകയാണ് നോക്കിയ.നോക്കിയ 9 പ്യൂർവ്യൂ ഹാൻഡ്സെറ്റിലാണ് ക്യാമറകളുടെ സമ്മേളനം നടക്കുന്നത്.ഈ സ്മാർട് ക്യാമറാഫോൺ ആദ്യം അവതരിപ്പിച്ചത് തായ്‌വാനിലാണ്.

ക്യാമറ വിശേഷങ്ങൾ

അഞ്ചു ക്യാമറകൾ പിന്നിൽ. പന്ത്രണ്ടു മെഗാപിക്സൽ ശേഷി. സാധാരണ ക്യാമറ ഫോണിനെക്കാൾ പത്തുമടങ്ങു പ്രകാശം പകർത്താനുള്ള കഴിവുണ്ട് പ്യൂർവ്യു 9ന്റെ സെൻസറിനെന്നു നോക്കിയ പറയുന്നു. ഡൈനാമിക് റേഞ്ച് കൂടും. അതായത് ഇരുട്ടിലുളള ഒരു വസ്തുവിന്റെ ഡീറ്റെയിൽസും നല്ല വെടിപ്പായി പകർത്താൻ ഈ പഞ്ചമൻ മതിയാകും എന്നർഥം. സീസ് ഒപ്റ്റിക്സ് ആണ് ക്യാമറ ലെൻസ്. അതും ക്വാളിറ്റിയെ ഗുണപരമായി സ്വാധീനിക്കും.ഡെപ്ത് ഓഫ് ഫീൽഡ് കൂടും. പടമെടുത്തതിനു ശേഷം ഫോക്കസ് പോയിന്റ് മാറ്റാം, റോ എന്ന ഡിജിറ്റൽ നെഗറ്റീവ് ഫോർമാറ്റിൽ ഷൂട്ട് ചെയ്യാം എന്നിങ്ങനെ മറ്റു ക്യാമറാ വിശേഷങ്ങളേറെയുണ്ട്.അഞ്ചു ക്യാമറകളും പിടിച്ചെടുക്കുന്ന പ്രകാശത്തെ ഉപയോഗിച്ച് ഹൈ ഡൈനാമിക് റേഞ്ച് ഇമേജുകളാക്കി മാറ്റുമ്പോൾ കൂടുതൽ ഡീറ്റയിൽസ് ഓരോ പടത്തിലും ഉൾക്കൊള്ളും. ഒരു പടത്തിലെ നിഴലിലുള്ള വസ്തുവിന്റെയും പ്രകാശത്തിലുള്ള വസ്തുവിന്റെയും ഡീറ്റയിൽസ് നഷ്ടമാകില്ലെന്നതു ഗുണം.ഫോക്കസ് പോയിന്റ് മാറ്റുന്നതിൽ പ്യൂർ വ്യൂ ഒരു മാന്ത്രികനാണെന്നു കമ്പനി അവകാശപ്പെടുന്നു. നോക്കിയ 9 പ്യൂർവ്യു ഓരോ ഫ്രെയിമിലും 1200 ലെയറുകളായിട്ടാണത്രെ പടം പകർത്തുക. ശേഷം നമുക്കിഷ്ടമുള്ള പോയിന്റ് ഫോക്കസ് ചെയ്തെടുക്കാം. ആൾക്കൂട്ടത്തിൽ നിങ്ങൾ എവിടെയായിരുന്നാലും കൃത്യതയോടെ ഗൂഗിൾ ഫോട്ടോസിൽ വച്ച് ഫോക്കസ് ചെയ്തെടുക്കാം. പ്രൊഫഷനൽ ടെലി ലെൻസുകൾക്കു തുല്യമായ ബ്ലർ ഇഫക്ടുകളും (ബാക്ക് ഗ്രൗണ്ട് കലങ്ങുക എന്ന് വാമൊഴി) നോക്കിയ 9 പ്യൂർവ്യുവിന്റെ സവിശേഷതയാണ്. മിക്ക ഇരട്ട ക്യാമറാ ഫോണുകളിലും ഇതു സാധ്യമാണെങ്കിലും അഞ്ചെണ്ണത്തിന്റെ സാധ്യത ഒന്നു വേറെ തന്നെയായിരിക്കും.

സ്ക്രീൻ ഫ്ലാഷുള്ള 20 മെഗാപിക്സൽ ക്യാമറയാണു സെൽഫി പ്രിയർക്കുള്ളത്.മാന്വൽ കൺട്രോൾസുമുണ്ട്. അതായത് ഷട്ടർസ്പീഡ്, ഐഎസ്ഒ, വൈറ്റ് ബാലൻസ് എന്നിവ നിങ്ങളുടെ ക്രിയേറ്റിവിറ്റിയ്ക്കനുസരിച്ചു മാറ്റാം. 4k എച്ച്ഡിആർ വിഡിയോ ഷൂട്ട് ചെയ്യാം.

ഫോണിന്റെ മറ്റു ഫീച്ചറുകൾ

ക്വാൾകോം സ്നാപ്ഡ്രാഗൺ 845 പ്ലാറ്റ്ഫോം. എട്ടു മില്ലി മീറ്റർ കനം, മെഷിൻഡ് അലുമിനിയം ബോഡി, കോർണിങ് ഗോറില്ല ഗ്ലാസ് ഫൈവ് സ്ക്രീൻ, സ്ക്രീനിൽ തന്നെ ഫിംഗർപ്രിന്റ് സെൻസർ, വയർലെസ് ചാർജിങ് സൗകര്യം എന്നിവയാണു പ്യൂർവ്യു 9ന്റെ മറ്റു സൗകര്യങ്ങൾ. 2k റെസല്യൂഷനുള്ള 5.99 ‘pOLED QHD’ (plastic Organic LED) സ്ക്രീൻ ആണ്.ഇന്ത്യയിലിറങ്ങുമ്പോൾ നോക്കിയ 9 പ്യൂർ വ്യൂവിനു പ്രതീക്ഷിക്കപ്പെടുന്ന വില 48,800 രൂപയാണ്.

LEAVE A REPLY

Please enter your comment!
Please enter your name here

Must Read

ഇന്ത്യയിലെ മൊബൈൽ നമ്പരുകൾ 11 അക്കമാക്കാൻ ട്രായ് ശുപാർശ

രാജ്യത്തെ മൊബൈൽ നമ്പരുകൾ പതിനൊന്ന് അക്കങ്ങളായി വർദ്ധിപ്പിക്കണം എന്ന ശുപാർശയുമായി ടെലിക്കോം റെഗുലേറ്ററായ ട്രായ് രംഗത്ത്. നിലവിൽ ഇന്ത്യയിലെ മൊബൽ നമ്പരുകളിൽ പത്ത് അക്കങ്ങളുള്ള നമ്പരുകളാണ് ഉള്ളത്. രാജ്യത്ത് മൊബൈൽ...

വ്യവസായ ലോകത്തിന് ആശ്വാസമായി ‘എഫിസ’ത്തിന്റെ വര്‍ക്ക് ഫ്രം ഹോം മോണിറ്ററിങ്

കോവിഡ്- 19 പൊട്ടിപ്പുറപ്പെട്ടതിനെത്തുടർന്ന് ലോകത്തിന്റെ പലവിധ പ്രതിസന്ധികളാണ് ജനങ്ങൾ നേരിടുന്നത്. ഇതിൽ ഏറ്റവും കൂടുതൽ പ്രതിസന്ധിയിലായിരിക്കുന്നവരിൽ വലിയൊരു വിഭാഗം തൊഴിലുടമകളും ശമ്പളം വാങ്ങി ജീവിക്കുന്ന ഇടത്തരക്കാരുമാണ്.മുൻകരുതൽ നടപടിയായി പല ജോലിസ്ഥലങ്ങളും...

ഏറ്റവും പുതിയ കൊറോണ അപ്‌ഡേറ്റ് ലഭിക്കാന്‍ ലോകാരോഗ്യ സംഘടനയുടെ വാട്‌സാപ്പ് നമ്പര്‍

കോറോണ വൈറസ് പകർച്ചവ്യാധിയെ കുറിച്ചുള്ള ആധികാരികമായ അറിയിപ്പുകൾ ജനങ്ങളിലെത്തിക്കുന്നതിനായി വാട്സാപ്പിലൂടെ ലോകാരോഗ്യ സംഘടനയുടെ ആരോഗ്യ മുന്നറിയിപ്പ്. വ്യാജവാർത്തകൾ വ്യാപകമായി വാട്സാപ്പിലൂടെ പ്രചരിക്കുന്ന സാഹചര്യത്തിലാണ് ലോകാരോഗ്യ സംഘടനയിൽനിന്ന് നേരിട്ടുള്ള അറിയിപ്പുകൾ വാട്സാപ്പ്...

വിമർശനങ്ങൾ :പ്രത്യേക നിർദേശക സമിതിയെ നിയമിച്ച് ടിക് ടോക്ക്.

ഉള്ളടക്ക നിയന്ത്രണ നയങ്ങളുടെ പേരിൽ അടുത്തകാലത്തായി ടിക് ടോക്ക് വ്യാപകമായ വിമർശനങ്ങൾ നേരിടുന്നുണ്ട്. ചൈനാ വിരുദ്ധ ഉള്ളടക്കമുള്ള വീഡിയോകൾക്ക് ടിക് ടോക്ക് നിയന്ത്രണമേർപ്പെടുത്തുന്നു എന്ന് അമേരിക്ക വിമർശനമുയർത്തിയിരുന്നു. ആളുകളുടെ ഭംഗിയുടേയും...

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്.

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്. സ്മാർട്ഫോണുകൾ സൃഷ്ടിക്കപ്പെട്ടതിന് ശേഷം നേരിടുന്ന ഏറ്റവും വലിയ വിൽപ്പനയിടിവാണിത്. ഫെബ്രുവരിയിൽ 38% ഇടിവാണ് പുതിയ ഫോണുകളുടെ വിൽപനയിൽ ഉണ്ടായതെന്ന് ഗവേഷണ...