Home GADGET നാല് വര്‍ഷങ്ങള്‍ക്ക് ശേഷം ഐപോഡ് വീണ്ടും

നാല് വര്‍ഷങ്ങള്‍ക്ക് ശേഷം ഐപോഡ് വീണ്ടും

ഇനിയൊരിക്കലും തിരികെ വരില്ലെന്ന് കരുതിയ ഐപോഡ് പുതിയ രൂപത്തിൽ പുനർജനിച്ചിരിക്കുന്നു. നാല് വർഷത്തെ ഇടവേളയ്ക്ക് ശേഷം ആപ്പിൾ ഐപോഡ് ടച്ചിന്റെ ഏറ്റവും പുതിയ പതിപ്പ് പുറത്തിറക്കി. പാട്ടും ഗെയിമുകളും ഉൾപ്പടെ മൾടിമീഡിയ ഉള്ളടക്കങ്ങൾക്ക് പ്രാധാന്യം നൽകിക്കൊണ്ടാണ് പുതിയ ഐപോഡിന്റെ രൂപകൽപന.ഒറ്റനോട്ടത്തിൽ ഐഫോണിന് സമാനം. എന്നാൽ ഫോൺവിളി മാത്രം ഈ ഉപകരണത്തിൽ സാധിക്കില്ല. ടച്ച് സ്ക്രീനും ക്യാമറയുമെല്ലാം ഇതിലുണ്ട്.എന്നാൽ ഫെയ്സ്ടൈം, ഓഗ്മെന്റഡ് റിയാലിറ്റി സൗകര്യങ്ങൾ പുതിയ ഐപോഡിൽ അവതരിപ്പിച്ചിട്ടുണ്ട്. കുറഞ്ഞ വിലയിൽ മികച്ച പ്രവർത്തനക്ഷമതയുള്ള ഐഓഎസ് ഉപകരണം ആയിരിക്കും അത് എന്ന് ആപ്പിൾ പ്രോഡക്റ്റ് മാർക്കറ്റിങ് വൈസ് പ്രസിഡന്റ് ഗ്രെഗ് ജോസ്വിയാക് പറഞ്ഞു.മ്യൂസിക് പ്ലെയർ ഉപകരണമായ ഐപോഡ് പരിഷ്കരിച്ചാണ് ആപ്പിൾ 2001 ൽ ഐപോഡ് ടച്ച് അവതരിപ്പിച്ചത്. ഇതിന് വലിയ സ്വീകാര്യത ലഭിച്ചു. ഇന്റർനെറ്റ് കണക്റ്റിവിറ്റി സാധ്യമാണ് എന്നുള്ളതാണ് ഇതിന്റെ മുഖ്യ സവിശേഷതകളിലൊന്ന്. വൈഫൈ ഹോട്ട്സ്പോട്ട് വഴി ഐപോഡ് ഇന്റർനെറ്റുമായി ബന്ധിപ്പിക്കാം. സിംകാർഡ് ഉപയോഗിക്കാനാവില്ല.ആപ്പിളിന്റെ തന്നെ സ്ട്രീമിങ് സേവനങ്ങൾക്ക് പ്രാധാന്യം നൽകിക്കൊണ്ടാവും ഐപോഡ് ടച്ച് വിതരണത്തിനെത്തുക.

രൂപകൽപന

1136×640 പിക്സൽ റസലൂഷനിലുള്ള റെറ്റിന ഡിസ്പ്ലേയാണ് പുതിയ ഐപോഡ് ടച്ചിനുള്ളത്. 3.5 എംഎം ഹെഡ്ഫോൺ ജാക്ക് ഇതിനുണ്ട്. അടുത്തിടെ പുറത്തിറങ്ങിയ ഐഫോണുകളിൽ നിന്നും ഇത് ഒഴിവാക്കിയതാണ്. നേരത്തെ സൂചിപ്പിച്ച പോലെ ഫോൺ വിളി ഒഴികെ എല്ലാ മൾടിമീഡിയ ഉള്ളടക്കങ്ങളും സേവനങ്ങളും ആസ്വദിക്കാൻ പുതിയ ഐപോഡ് ടച്ചിലൂടെ സാധിക്കും.എട്ട് മെഗാപിക്സൽ റിയർ ക്യാമറയാണ് ഐപോഡിന് നൽകിയിട്ടുള്ളത്. ഫെയ്സ്ടൈം വീഡിയോ കോളിന് വേണ്ടി 1.2 മെഗാപിക്സലിന്റെ സെൽഫി ക്യാമറയും നൽകിയിരിക്കുന്നു.ഗ്രൂപ്പ് ഫെയ്സ്ടൈം കോൾ സൗകര്യം ഇതിൽ ലഭ്യമാണ്. ഒരേ സമയം 32 പേരുമായി ഇതിൽ സംസാരിക്കാം.ഐഓഎസ് 12 ഓഎസിൽ പ്രവർത്തിക്കുന്ന ഐപോഡിൽ 40 മണിക്കൂർ നേരം ഇതിൽ പാട്ടുകേൾക്കാനാവും വിധം ബാറ്ററി ശേഷിയുണ്ട്. വരാനിരിക്കുന്ന ഐഓഎസ് 13 ഉം പുതിയ ഐപോഡിൽ ലഭിക്കും.ഏഴാം തലമുറ ഐപോഡ് ടച്ച് ജൂണിൽ തന്നെ ഇന്ത്യയിലെത്തിയേക്കും.32 ജിബി, 128ജിബി, 256 ജിബി എന്നിങ്ങനെ സ്റ്റോറേജ് ശേഷിയുള്ള ഐപോഡ് പതിപ്പുകൾ വിതരണത്തിനെത്തും. ഇവയ്ക്ക് യഥാക്രമം 18,900 രൂപ, 28,900 രൂപ, 38,900 രൂപ എന്നിങ്ങനെയായിരിക്കും വില.

LEAVE A REPLY

Please enter your comment!
Please enter your name here

Must Read

ഇന്ത്യയിലെ മൊബൈൽ നമ്പരുകൾ 11 അക്കമാക്കാൻ ട്രായ് ശുപാർശ

രാജ്യത്തെ മൊബൈൽ നമ്പരുകൾ പതിനൊന്ന് അക്കങ്ങളായി വർദ്ധിപ്പിക്കണം എന്ന ശുപാർശയുമായി ടെലിക്കോം റെഗുലേറ്ററായ ട്രായ് രംഗത്ത്. നിലവിൽ ഇന്ത്യയിലെ മൊബൽ നമ്പരുകളിൽ പത്ത് അക്കങ്ങളുള്ള നമ്പരുകളാണ് ഉള്ളത്. രാജ്യത്ത് മൊബൈൽ...

വ്യവസായ ലോകത്തിന് ആശ്വാസമായി ‘എഫിസ’ത്തിന്റെ വര്‍ക്ക് ഫ്രം ഹോം മോണിറ്ററിങ്

കോവിഡ്- 19 പൊട്ടിപ്പുറപ്പെട്ടതിനെത്തുടർന്ന് ലോകത്തിന്റെ പലവിധ പ്രതിസന്ധികളാണ് ജനങ്ങൾ നേരിടുന്നത്. ഇതിൽ ഏറ്റവും കൂടുതൽ പ്രതിസന്ധിയിലായിരിക്കുന്നവരിൽ വലിയൊരു വിഭാഗം തൊഴിലുടമകളും ശമ്പളം വാങ്ങി ജീവിക്കുന്ന ഇടത്തരക്കാരുമാണ്.മുൻകരുതൽ നടപടിയായി പല ജോലിസ്ഥലങ്ങളും...

ഏറ്റവും പുതിയ കൊറോണ അപ്‌ഡേറ്റ് ലഭിക്കാന്‍ ലോകാരോഗ്യ സംഘടനയുടെ വാട്‌സാപ്പ് നമ്പര്‍

കോറോണ വൈറസ് പകർച്ചവ്യാധിയെ കുറിച്ചുള്ള ആധികാരികമായ അറിയിപ്പുകൾ ജനങ്ങളിലെത്തിക്കുന്നതിനായി വാട്സാപ്പിലൂടെ ലോകാരോഗ്യ സംഘടനയുടെ ആരോഗ്യ മുന്നറിയിപ്പ്. വ്യാജവാർത്തകൾ വ്യാപകമായി വാട്സാപ്പിലൂടെ പ്രചരിക്കുന്ന സാഹചര്യത്തിലാണ് ലോകാരോഗ്യ സംഘടനയിൽനിന്ന് നേരിട്ടുള്ള അറിയിപ്പുകൾ വാട്സാപ്പ്...

വിമർശനങ്ങൾ :പ്രത്യേക നിർദേശക സമിതിയെ നിയമിച്ച് ടിക് ടോക്ക്.

ഉള്ളടക്ക നിയന്ത്രണ നയങ്ങളുടെ പേരിൽ അടുത്തകാലത്തായി ടിക് ടോക്ക് വ്യാപകമായ വിമർശനങ്ങൾ നേരിടുന്നുണ്ട്. ചൈനാ വിരുദ്ധ ഉള്ളടക്കമുള്ള വീഡിയോകൾക്ക് ടിക് ടോക്ക് നിയന്ത്രണമേർപ്പെടുത്തുന്നു എന്ന് അമേരിക്ക വിമർശനമുയർത്തിയിരുന്നു. ആളുകളുടെ ഭംഗിയുടേയും...

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്.

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്. സ്മാർട്ഫോണുകൾ സൃഷ്ടിക്കപ്പെട്ടതിന് ശേഷം നേരിടുന്ന ഏറ്റവും വലിയ വിൽപ്പനയിടിവാണിത്. ഫെബ്രുവരിയിൽ 38% ഇടിവാണ് പുതിയ ഫോണുകളുടെ വിൽപനയിൽ ഉണ്ടായതെന്ന് ഗവേഷണ...