Home LATEST വിൻഡോസ് ലൈറ്റ് – മൈക്രോസോഫ്റ്റ് വിൻഡോസ് ഒഎസിന്റെ പുതിയ പതിപ്പിന്റെ പണിപ്പുരയിൽ

വിൻഡോസ് ലൈറ്റ് – മൈക്രോസോഫ്റ്റ് വിൻഡോസ് ഒഎസിന്റെ പുതിയ പതിപ്പിന്റെ പണിപ്പുരയിൽ

വിൻഡോസ് ലൈറ്റ് എന്ന കോഡ് നെയ്മിൽ മൈക്രോസോഫ്റ്റ് വിൻഡോസ് ഒഎസിന്റെ ഒരു പുതിയ പതിപ്പിന്റെ നിർമ്മാണത്തിലാണ്. ഇരട്ട ഡിസ്പ്ലേ ഉള്ള ഉപകാരണങ്ങളെയും ഗൂഗിളിന്റെ ക്രോംബുക്ക് പോലെയുള്ള ലോ എൻഡ് കമ്പ്യൂട്ടറുകളെയുമാണ് ഈ പതിപ്പ് ലക്ഷ്യംവെക്കുന്നത്. മടക്കാൻ കഴിയുന്ന ഡിസ്പ്ലേ ഉള്ള ഉപകരണങ്ങളും ഇതിൽ ഉൾപ്പെടും.

2019 മെയിൽ നടക്കാനിരിക്കുന്ന ബിൽഡ് ഡെവലപ്പർ കോൺഫെറൻസിൽ വെച്ചാകും പുതിയ ഒഎസ് അവതരിപ്പിക്കുക. വിൻഡോസ് ഉപയോഗിക്കുന്ന ഡെവലപ്പർമാർക്കായി മൈക്രോസോഫ്റ്റ് എല്ലാ വർഷവും നടത്തുന്ന ഒരു ഇവന്റാണ് ബിൽഡ് ഡെവലപ്പർ കോൺഫെറൻസ്.

വിൻഡോസ് ലൈറ്റ് രൂപത്തിലും ഭാവത്തിലും വിൻഡോസ് 10 പോലെ ആയിരിക്കുമെങ്കിലും വിൻഡോസ് 10ൽ ഉള്ളതിനേക്കാൾ കുറഞ്ഞ ഫീച്ചേഴ്‌സ് മാത്രമേ ഉണ്ടാകൂ. മൈക്രോസോഫ്റ്റ് ആപ്പ് സ്റ്റോറിൽ നിന്നുള്ള ആപ്പുകളും പ്രോഗ്രസ്സിവ് വെബ് ആപ്പുകളും ഇതിൽ പ്രവർത്തിപ്പിക്കാൻ കഴിയുമെന്ന് റിപ്പോർട്ടുണ്ട്.

മൈക്രോസോഫ്റ്റ് വിൻഡോസ് ലൈറ്റിൽ പ്രവർത്തിക്കുന്ന മടക്കാൻ കഴിയുന്ന ഡിസ്പ്ലേയുള്ള ഒരു ഉപകരണം നിർമ്മിക്കുന്നുണ്ടെന്ന റിപ്പോർട്ടുകളുണ്ട്. അത് മൈക്രോസോഫ്റ്റിന്റെ ഫോൾഡബിൾ ഫോണാകുമെന്നാണ് പറയുന്നത്.

ഇരട്ട സ്‌ക്രീനുള്ള ഉപകരണങ്ങളെയാണ് തുടക്കത്തിൽ മൈക്രോസോഫ്റ്റ് തുടക്കത്തിൽ ലക്ഷ്യം വെക്കുന്നത്. പിന്നീട് ഗൂഗിളിന്റെ ക്രോംബുക്ക് പോലെയുള്ള കമ്പ്യൂട്ടറുകൾ നിർമ്മിക്കുന്ന കമ്പനികൾക്കും വിൻഡോസ് ലൈറ്റ് നൽകും.

വിൻഡോസ് ലൈറ്റിന്റെ യഥാർത്ഥ പേര് എന്താകുമെന്നോ, എപ്പോൾ വിപണിയിൽ എത്തുമെന്നോ ഇതുവരെ റിപ്പോർട്ടുകൾ ഒന്നുമില്ല. മെയിൽ നടക്കാനിരിക്കുന്ന ബിൽഡ് ഡെവലപ്പർ കോൺഫെറൻസ് വരെ നമുക്ക് കാത്തിരിക്കാം.

LEAVE A REPLY

Please enter your comment!
Please enter your name here

Must Read

വ്യവസായ ലോകത്തിന് ആശ്വാസമായി ‘എഫിസ’ത്തിന്റെ വര്‍ക്ക് ഫ്രം ഹോം മോണിറ്ററിങ്

കോവിഡ്- 19 പൊട്ടിപ്പുറപ്പെട്ടതിനെത്തുടർന്ന് ലോകത്തിന്റെ പലവിധ പ്രതിസന്ധികളാണ് ജനങ്ങൾ നേരിടുന്നത്. ഇതിൽ ഏറ്റവും കൂടുതൽ പ്രതിസന്ധിയിലായിരിക്കുന്നവരിൽ വലിയൊരു വിഭാഗം തൊഴിലുടമകളും ശമ്പളം വാങ്ങി ജീവിക്കുന്ന ഇടത്തരക്കാരുമാണ്.മുൻകരുതൽ നടപടിയായി പല ജോലിസ്ഥലങ്ങളും...

ഏറ്റവും പുതിയ കൊറോണ അപ്‌ഡേറ്റ് ലഭിക്കാന്‍ ലോകാരോഗ്യ സംഘടനയുടെ വാട്‌സാപ്പ് നമ്പര്‍

കോറോണ വൈറസ് പകർച്ചവ്യാധിയെ കുറിച്ചുള്ള ആധികാരികമായ അറിയിപ്പുകൾ ജനങ്ങളിലെത്തിക്കുന്നതിനായി വാട്സാപ്പിലൂടെ ലോകാരോഗ്യ സംഘടനയുടെ ആരോഗ്യ മുന്നറിയിപ്പ്. വ്യാജവാർത്തകൾ വ്യാപകമായി വാട്സാപ്പിലൂടെ പ്രചരിക്കുന്ന സാഹചര്യത്തിലാണ് ലോകാരോഗ്യ സംഘടനയിൽനിന്ന് നേരിട്ടുള്ള അറിയിപ്പുകൾ വാട്സാപ്പ്...

വിമർശനങ്ങൾ :പ്രത്യേക നിർദേശക സമിതിയെ നിയമിച്ച് ടിക് ടോക്ക്.

ഉള്ളടക്ക നിയന്ത്രണ നയങ്ങളുടെ പേരിൽ അടുത്തകാലത്തായി ടിക് ടോക്ക് വ്യാപകമായ വിമർശനങ്ങൾ നേരിടുന്നുണ്ട്. ചൈനാ വിരുദ്ധ ഉള്ളടക്കമുള്ള വീഡിയോകൾക്ക് ടിക് ടോക്ക് നിയന്ത്രണമേർപ്പെടുത്തുന്നു എന്ന് അമേരിക്ക വിമർശനമുയർത്തിയിരുന്നു. ആളുകളുടെ ഭംഗിയുടേയും...

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്.

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്. സ്മാർട്ഫോണുകൾ സൃഷ്ടിക്കപ്പെട്ടതിന് ശേഷം നേരിടുന്ന ഏറ്റവും വലിയ വിൽപ്പനയിടിവാണിത്. ഫെബ്രുവരിയിൽ 38% ഇടിവാണ് പുതിയ ഫോണുകളുടെ വിൽപനയിൽ ഉണ്ടായതെന്ന് ഗവേഷണ...

കൊറോണ; നെറ്റ്ഫ്ളിക്സിന് പിന്നാലെ യൂട്യൂബും ആമസോൺ പ്രൈമും വീഡിയോ ദൃശ്യനിലവാരം കുറച്ചു

യൂറോപ്പിൽ നെറ്റ് ഫ്ളിക്സിന് പിന്നാലെ യൂട്യൂബും ആമസോൺപ്രൈം വീഡിയോയും വീഡിയോകളുടെ ദൃശ്യനിലവാരം കുറച്ചു. കോറോണ വ്യാപനത്തെ തുടർന്ന് ഗാർഹിക ഇന്റർനെറ്റ് ഉപയോഗം വർധിച്ചതോടെ ഇന്റർനെറ്റ് കണക്റ്റിവിറ്റിയിൽ ഇടക്കിടെ തടസം നേരിട്ടതിനെ...