Home GADGET ആദ്യ 5ജി ഫോൺ ഇറങ്ങുന്നതിന് മുൻപേ രണ്ടാം തലമുറ 5ജി സ്മാർട്ട്ഫോൺ ചിപ്പ് തയ്യാറാക്കി ക്വാൽകോം

ആദ്യ 5ജി ഫോൺ ഇറങ്ങുന്നതിന് മുൻപേ രണ്ടാം തലമുറ 5ജി സ്മാർട്ട്ഫോൺ ചിപ്പ് തയ്യാറാക്കി ക്വാൽകോം

ആദ്യ 5ജി സ്മാർട്ട്ഫോൺ ഇതുവരെ വിപണിയിൽ ഇറങ്ങിയിട്ടില്ല, പക്ഷെ അതിന് മുൻപേ രണ്ടാം തലമുറ 5ജി സ്മാർട്ട്ഫോൺ ചിപ്പ് സ്നാപ്ഡ്രാഗൺ X55 പ്രഖ്യാപിച്ച് ക്വാൽകോം. അടുത്ത ആഴ്ച സ്പെയിനിലെ ബാഴ്‌സലോണയിൽ നടക്കാനിരിക്കുന്ന മൊബൈൽ വേൾഡ് കോൺഗ്രസ് 2019(MWC 2019)ന് മുന്നെയാണ് ഈ പ്രഖ്യാപനം.

സ്നാപ്ഡ്രാഗൺ X50യുടെ പിൻഗാമിയാണ് സ്നാപ്ഡ്രാഗൺ X55. ക്വാൽകോമിന്റെ രണ്ടാമത്തെ 5ജി ചിപ്പാണിത്. ക്വാൽകോമിന്റെ പങ്കാളികളായ സ്മാർട്ടഫോൺ നിർമ്മാതാക്കൾക്ക് അടുത്ത മാസംമുതൽ പുതിയ ചിപ്പ് ലഭിക്കും. 2019 അവസാനത്തോടെ ഈ ചിപ്പിൽ പ്രവർത്തിക്കുന്ന ഫോൺ ഇറങ്ങും എന്നാണ് ക്വാൽകോം പറയുന്നത്. ആഗോള 5ജി മാനദണ്ഡങ്ങൾ അനുസരിക്കുന്ന ചിപ്പാണ് X55.

2ജി, 3ജി, 4ജി കൂടെ പുതിയ വേഗതയേറിയ 5ജി നെറ്റ്‌വർക്കുകൾ X55 ചിപ്പ് സപ്പോർട്ട് ചെയ്യും. X50 ചിപ്പ് 5ജി നെറ്റ്‌വർക്ക് മാത്രമേ സപ്പോർട്ട് ചെയ്യൂ. അതിനാൽ സ്മാർട്ടഫോൺ നിർമ്മാതാക്കൾക്ക് 2ജി, 3ജി, 4ജി കണക്ടിവിറ്റിക്കായി രണ്ടാമതൊരു ചിപ്പ്കൂടെ ഉൾപ്പെടുത്തേണ്ടതുണ്ടായിരുന്നു.

X55ന്റെ വരവോടെ കംബനികൾക്ക് വിവിധ നെറ്റ്‌വർക്കുകൾക്കായി ഇനി ഒരു ചിപ്പ് വാങ്ങിയാൽ മതി. X50യെ അപേക്ഷിച്ച്‌ X55, ഫോണിന്റെ കട്ടിയും, നീളവും കുറക്കാൻ സഹായിക്കും. വിവിധ നെറ്റ്‌വർക്കുകൾ ഒരു ചിപ്പ് മതിയെന്നതിനാൽ ഫോണിന്റെ വിലയും കുറയും.

7 ജിഗാബിറ്റ്‌സ്/സെക്കന്റ് വേഗതയോടെയുള്ള ഡാറ്റ ട്രാൻസ്ഫർ X55ൽ സാധ്യമാകുമെന്നാണ് ക്വാൽകോം അവകാശപ്പെടുന്നത്. X50യുടെ വേഗത 5 ജിഗാബിറ്റ്‌സ്/സെക്കന്റ് ആയിരുന്നു. വേഗതയിൽ 40% വർദ്ധനവാണ് ഉള്ളത്. എന്നിരുന്നാലും X55ക്ക് X50യെക്കാൾ കുറഞ്ഞ പവർ മതി പ്രവർത്തിക്കാൻ.

X50 അടിസ്ഥാനമാക്കിയുള്ള 5ജി സ്മാർട്ടഫോണുകളുടെ ഒരു നിര തന്നെയാണ് വരും മാസങ്ങളിൽ ഇറങ്ങാനിരിക്കുന്നത്. X55 5ജി ഫോണുകൾക്ക് 2019 അവസാനം വരെ കാത്തിരിക്കേണ്ടി വരും.

LEAVE A REPLY

Please enter your comment!
Please enter your name here

Must Read

വ്യവസായ ലോകത്തിന് ആശ്വാസമായി ‘എഫിസ’ത്തിന്റെ വര്‍ക്ക് ഫ്രം ഹോം മോണിറ്ററിങ്

കോവിഡ്- 19 പൊട്ടിപ്പുറപ്പെട്ടതിനെത്തുടർന്ന് ലോകത്തിന്റെ പലവിധ പ്രതിസന്ധികളാണ് ജനങ്ങൾ നേരിടുന്നത്. ഇതിൽ ഏറ്റവും കൂടുതൽ പ്രതിസന്ധിയിലായിരിക്കുന്നവരിൽ വലിയൊരു വിഭാഗം തൊഴിലുടമകളും ശമ്പളം വാങ്ങി ജീവിക്കുന്ന ഇടത്തരക്കാരുമാണ്.മുൻകരുതൽ നടപടിയായി പല ജോലിസ്ഥലങ്ങളും...

ഏറ്റവും പുതിയ കൊറോണ അപ്‌ഡേറ്റ് ലഭിക്കാന്‍ ലോകാരോഗ്യ സംഘടനയുടെ വാട്‌സാപ്പ് നമ്പര്‍

കോറോണ വൈറസ് പകർച്ചവ്യാധിയെ കുറിച്ചുള്ള ആധികാരികമായ അറിയിപ്പുകൾ ജനങ്ങളിലെത്തിക്കുന്നതിനായി വാട്സാപ്പിലൂടെ ലോകാരോഗ്യ സംഘടനയുടെ ആരോഗ്യ മുന്നറിയിപ്പ്. വ്യാജവാർത്തകൾ വ്യാപകമായി വാട്സാപ്പിലൂടെ പ്രചരിക്കുന്ന സാഹചര്യത്തിലാണ് ലോകാരോഗ്യ സംഘടനയിൽനിന്ന് നേരിട്ടുള്ള അറിയിപ്പുകൾ വാട്സാപ്പ്...

വിമർശനങ്ങൾ :പ്രത്യേക നിർദേശക സമിതിയെ നിയമിച്ച് ടിക് ടോക്ക്.

ഉള്ളടക്ക നിയന്ത്രണ നയങ്ങളുടെ പേരിൽ അടുത്തകാലത്തായി ടിക് ടോക്ക് വ്യാപകമായ വിമർശനങ്ങൾ നേരിടുന്നുണ്ട്. ചൈനാ വിരുദ്ധ ഉള്ളടക്കമുള്ള വീഡിയോകൾക്ക് ടിക് ടോക്ക് നിയന്ത്രണമേർപ്പെടുത്തുന്നു എന്ന് അമേരിക്ക വിമർശനമുയർത്തിയിരുന്നു. ആളുകളുടെ ഭംഗിയുടേയും...

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്.

കൊ​റോണ വ്യാപനം മൂലം സ്മാർട്ഫോണുകളുടെ വിൽപനയിൽ വൻ ഇടിവ്. സ്മാർട്ഫോണുകൾ സൃഷ്ടിക്കപ്പെട്ടതിന് ശേഷം നേരിടുന്ന ഏറ്റവും വലിയ വിൽപ്പനയിടിവാണിത്. ഫെബ്രുവരിയിൽ 38% ഇടിവാണ് പുതിയ ഫോണുകളുടെ വിൽപനയിൽ ഉണ്ടായതെന്ന് ഗവേഷണ...

കൊറോണ; നെറ്റ്ഫ്ളിക്സിന് പിന്നാലെ യൂട്യൂബും ആമസോൺ പ്രൈമും വീഡിയോ ദൃശ്യനിലവാരം കുറച്ചു

യൂറോപ്പിൽ നെറ്റ് ഫ്ളിക്സിന് പിന്നാലെ യൂട്യൂബും ആമസോൺപ്രൈം വീഡിയോയും വീഡിയോകളുടെ ദൃശ്യനിലവാരം കുറച്ചു. കോറോണ വ്യാപനത്തെ തുടർന്ന് ഗാർഹിക ഇന്റർനെറ്റ് ഉപയോഗം വർധിച്ചതോടെ ഇന്റർനെറ്റ് കണക്റ്റിവിറ്റിയിൽ ഇടക്കിടെ തടസം നേരിട്ടതിനെ...